北上

一時興起，同阿煩人先生北上。之不過，上到去都天黑lu，無咩特別嘢做過，只係去買書同打邊爐！

就喺書城下面間藝術用品中心....攪錯呀..咁都俾我見到Marie..要買先！！仲有一本波波薄啦，因為我一直都係用薄仔抄電話，幾個月就用爛一本，成日都要換㗎！





然後，當然係去睇書啦，今次收穫豐富啊，買咗好多本喵喵書呢!




最騎呢係...本人一開始非常智障地去咗家禽嗰欄到睇，仲睇咗好耐....見到全部都係雞牛羊仲死搵爛搵..hehe..後尾先識行番去寵物 嗰欄呢！今次d書好掂啊..消閒少實用醫學多，有排我睇呀！

之後，咪去咗小肥羊狂食囉，真係狂食啊。Order時待應哥哥已經好多樣唔俾我地叫，話兩個人食唔晒呀，最後揀咗8樣材料....正喎..埋單$160蚊飽到屎，好味過香港小肥羊添！