最後衝刺

話咁快就年三十，好好好好好忙！屋企亂到慘不忍睹，又要清潔又要趕落街辦年貨，仲要好似師奶咁去街市買最重要o既碌柚葉..........最後碌柚葉竟然斷貨，花檔阿姐好人，私人醒o左幾塊爛到霉o既俾我，好過無啦！屋企對拖鞋又爛o左，買番對紅噹噹o既，新年o麻！
呢檔專賣呢種花拖鞋，好o野o黎o架好好著，仲長期有好多日本小姐幫襯，我親眼見過佢地買親都一打一打，日本渴市喎！

嘻....嘻.........華麗園年糕超好味o架，雖然貴o左D細細舊成$70，不過真係物有所值，好香椰汁味唔漏唔油，正！加埋金庸題字，乜都抵番晒啦！

同埋呢個芝士蛋糕，雖然蜂蜜味好食D，不過又無貨......算啦芝士就芝士啦！明明話辦年貨，但就買蛋糕........我非常多心！