阿姐，你咪玩o野！

繼阿kitty小姐左面頸開刀又一新巨獻，
阿姐突然爛右面頸，出濃又出水o個隻，
短短兩三日突然變成咁.......又要探瑪姬醫生。
醫生同姑娘姐姐一見到，忍唔住嘩o左一大聲，
我堅持食物敏感，瑪姬話係生癬，不過照燈無發現。
食抗敏感藥、用癬膏，結果10日後公佈。
..
..
..
..
..
..
10日後，
結果公佈.....真係生癬呀.......返去瑪姬到扲藥呀！
之不過，今次生癬事件啟發o左我一樣o野，
原來炳哥同kitty姐真係世仇，因為惡炳無被傳染。
諗諗o下，kitty姐每日襯我地出門口，都會用頸快速high我地對鞋，
又諗諗o下，知道阿姐生癬後，原來我無做過任何清潔，只係放藥落佢d罐頭到，
再諗諗o下，我真係衰得緊要呀！
不過，阿姐好番啦！