kitty-bingbing

我叫李吉蒂,英文名係Kitty Li。個個都叫我亞吉、吉貓、吉仔、傻吉....大家都可以咁叫我o架! 我最鐘意訓覺同玩,最憎當然係肥炳啦,佢個白痴炳仲每日都追殺我.....我...梗係...匿埋啦! 唔通同佢打過咩...........

1.24.2007

掩眼法

小吉蒂絕對唔係想像中咁詩文,除o左怕炳仔之外....就天不怕地不怕!而且,比炳仔外向、大膽,每次有人出入必定9秒9衝出門口,鬧極都唔聽。

今日返到屋企都無咩問題,突然間我發覺.....唔見o左吉蒂貓,即時發癲狂搵,越搵越心急越搵唔到,方寸大亂又諗起好多無聊又無可能o既o野(例如:o係洗衣機、乾衣機、冷巷.....等等)起碼搵o左半個鐘,周屋走四圍摷!突然間,點解有d野望住我???阿姐,你好玩野喎,坐上去扮花樽傾頭偷笑望住我,嚇死我嘞!!

Labels:

4 Comments:

  • At 12:33 PM, Anonymous Anonymous said…

    kakaka~笑屎貓,唔係見到有兩盞死光燈,都見佢唔到,kitty貓,你好野!!

     
  • At 1:01 AM, Blogger kitty貓貓貓 said…

    ah duck
    o個o下真係嚇到我好驚,估唔到佢會咁無聊扮花樽,佢以前無試過o架,所以我真係睇佢唔到o羅!

     
  • At 10:09 AM, Blogger rheavv said…

    係呀係呀, 我發覺d貓係知你搵佢架,同埋如果見你睇極都睇佢唔到, 就會更加唔出聲, 等你搵餐飽~~~ 最後就好似你咁, 見到有條友仔眼定定咁望住你~~~~~~~~~~~
    (真係吹到bbbbbbbbbbbbbbbbbbbb一聲!)

     
  • At 5:17 AM, Blogger kitty貓貓貓 said…

    rhea
    我都覺得d傻喵好鬼玩o野,知你越搵就越唔現身,嚇屎喵奴呀!

     

Post a Comment

<< Home