呢個姐姐真好人

約o左Connie姐姐好耐，準備交換禮物，不過時間就唔o岩，一係我忙一係佢忙，早排惟有襯煩人先生返老家開餐，順道搵Connie姐姐。當煩人先生交收完畢，返到屋企即時望住我：你D朋友真係好，D貓又有o野玩，成大袋咁鬼重....唉.....成屋都係垃圾...做貓真係好...（下刪一千字）......。我扲上手，果然係好重。之前Connie姐姐重要千辛萬苦扲返公司等我個肥姨丈扲，個肥人又屎都唔扲，最後要再扲返屋企等我交收，真係過意唔去。除o左做苦力，呢位小姐仲放o左舊錢入袋，有多無少o個隻！咁我......惟有以身相許，又或者......請食Buffet啦！嘩...呵...呵！

Yarrah貓乾糧，有齊雞同魚味，當零食餵兩小貓，竟然爭食好好味喎！仲有10大包重到癲o既貓餅餅，不過唔記得影相。
嘩∼嘩∼4罐罐頭，其中一罐仲要o係瑪姬醫生到買，再扲返屋企，再轉送到我家，真係過意唔去喇！其餘，都係姐姐送俾炳哥食，多謝x100000000！
嘻∼英國手信。貓地吹波波，我就有貓形沖涼液，好滾動添！
仲有3個超重香港貓月曆，要Connie姐姐幫我扲返屋企，原來我都幾唔客氣o架喎！
唉.....仲要幫我買埋杜蟲藥添，我諗今次以身相許都唔掂！鳴.....鳴.....鳴.......................