手信

因為煩人先生周不時出Trip，所以我經常會叫佢買D得意貓o野返o黎送俾吉蒂、炳哥，不過次次佢都話掉晒屋企D再講，好明顯我係唔會掉，所以每一次貓地都無禮物。今次佢去澳洲，最失敗我唔記得叫佢買Jurlique，失敗中之失敗，只係叫佢是但買D o野俾我！

有紅酒兩支，其中一支已經俾我一個人一晚攪掂o左，我唔識飲紅酒，不過呢隻幾易入口，唔錯唔錯。

呢隻木鴨仔，我都唔知點介紹佢，總之佢就係一隻幾大隻又幾得意o既木鴨仔。

朱朱力一包，唔知好無食，因為我一粒都無食過已經俾煩人先生清袋，依家身在將軍澳堆田區。