大家姐

吉蒂姐雖然成日俾賤炳恰，但佢依然保持住大家姐風範！憑住佢大膽、外向、不屈不撓、面皮厚、唔向惡勢力低頭o既性格，贏盡我地o既歡心，特別係煩人先生更臣服佢之下，結果吉蒂姐成功穩坐大家姐地位。
每一晚，佢都會坐上佢個龍位瞓覺（即係我電腦前），千祈唔好睇小呢個位，並唔係人人都瞓得，如果賤炳走上去，必定會9秒9俾煩人趕落地，所以話吉蒂姐呢個名絕對唔係浪得虛名，真係有江湖地位！

吉蒂姐：影夠未？阿姐依家要瞓覺，咪阻住晒！

吉蒂姐：呢個位冬暖夏涼，最o岩做我o既龍床。

吉蒂姐：ZZZZZZZ.....ZZZZZ.ZZZ......ZZZZZZ.................