還是覺得你最好

已經好耐好耐無用過我家大爺影相喇，
因為我發覺我同阿大爺仲有一大段距離。

簡單D講，我用大爺影o既相係capture唔到大帝們o個一刻o既心情同狀態，
出到o黎只係一幅又一幅質數好o既「硬照」。
即係白雪雪對眼圓碌碌D毛又一絲絲好「靚」o既Kitty，
同埋肥騰騰面圓圓又好「精靈」o既炳哥，
咁又有乜意思呢？

反之而，我用私伙細爺，影出o黎o既大帝正正反映到佢地當時o既情況，
一眼望落去已經感覺到佢地o既性格同特質，

歸根究底，因為我有大爺恐懼症，o係一個我控制唔到佢o既情況下，
俾佢控制番我，而細爺就o岩o岩相反。

即是話，機用人同人用機o既分別。

細爺下的吉蒂：冷靜、獨立、同埋成熟一D，係一隻有思想有頭腦o既聰明喵。



細爺下的炳哥：懶、無腦、隨便、鍾於享樂，完全係佢個性格。