好憎呢一日

Kitty貓：嚇屎我喇，無啦啦成身抽抽o下，我都唔知發生咩事，鳴∼∼鳴∼∼

都唔係第一次幫Kitty貓、炳哥沖涼，今次照舊幫炳哥哥沖先，無咩特別而且仲因為有新風筒，好快就吹乾！到Kitty貓時，我本住有排先再沖呢個精神，所以落o左兩次洗頭水、一次護髮素，比平日o既時間耐o左D，沖o既時候一如以往，但到後段Kitty貓已經喵喵叫想逃走，因為我無放炳仔入房，所以要幫Kitty o係廁所到抺身，佢當然唔耐煩又叫又Fee~~一出廳，恐怖o既事發生喇，小Kitty隻左手竟然屈o左去後頸，當時我未知發生咩事，一放低佢已經係全身彊硬，企都企唔到，好驚o既我拿拿聲扲水比佢飲，不過Kitty妹一樣無反應，訓o係地下抽o下抽o下......好好好恐怖！當時我以為係心臟病，無喇∼∼只係一路抱住佢一路叫佢唔好有事跟有去換衫帶佢睇醫生，呢個時候.....我感覺到佢個身軟番，放落地又回復平時一樣行得走得，不過呢次我唔敢幫佢吹毛毛喇，怕又再嚇親佢！抺乾大半，就由得佢自然乾..........
事後我打比兩個朋友，得出o既結果係抽筋....可能係嚇親加上廁所太熱，而且o係沖涼後發生都叫做有個誘因，不過我都要觀察佢一個月，如果再無發生同樣情況，我..........就可以鬆一口氣！Kitty小姐........你唔好嚇我呀，嚇死o左我.....無人服侍你地o架∼∼