古靈精怪系列之龐小姐

7月21號就6個月o既龐小姐，平日非常之搞笑。一日24小時，佢都可以有唔同裝扮、唔同表情甚至乎唔同樣，出現o係大家眼前！著乜衫由佢阿媽決定，但表情就係佢本人o既主意，全部自己話晒事。而且龐小姐極有好客之道，就算佢眼瞓到爆炸，只要有人同佢講，佢都會應酬式大笑幾聲先再發呆兼黑面，細細個已經好有禮貌o架喇！
唔知幾時，龐小姐學識呢個大眼B女一號表情，周不時佢都會Keep住咁o既樣睇電視。
突然又會轉樣轉Look，戴頂淑女花花帽坐o係屋企，唔係出街。
o岩o岩瞓醒就會怒髮衝冠，雞冠頭再扮得意，引你抱抱！
沖完涼就會變攣毛，一見佢個好知己小蜜蜂必定笑到卡卡聲，唔停得口！
坐o係餐椅等開餐，放滿大堆玩具任玩，呢個時候必定係頭髮零亂，好似打風一樣。
食飽無o野做，周圍搵o野狂咬，睇佢陶醉o既表情，簡直有炳仔風範。
拿...拿......拿........無啦啦個髮型又四四正正，夾個花花夾仔，個樣即時斯文又醒神。
平日百無了賴，全靠呢堆公仔陪o下過日晨，最好玩當然係橙色貓貓書啦！
登登登登，彩色花花裙，呢個係最靚女o既公主Look，不過佢唔會咁樣著出街o架，因為著裙成日走光，著褲方便好多！