kitty-bingbing

我叫李吉蒂,英文名係Kitty Li。個個都叫我亞吉、吉貓、吉仔、傻吉....大家都可以咁叫我o架! 我最鐘意訓覺同玩,最憎當然係肥炳啦,佢個白痴炳仲每日都追殺我.....我...梗係...匿埋啦! 唔通同佢打過咩...........

9.12.2005

豬炳HAPPY BIRTHDAY

豬仔炳你一歲生日,祝你身體健康、開心快樂、豐衣足食。你要乖喇,今年一定唔可以再咬kitty貓,咁大個仔牙都出齊啦,唔會再發牙痕o架,知無!

炳仔:嘩.......有蛋糕食,好好味呀!喂.....喂....o個支咩黎o架?咁熱o既.........會燒到我條尾o架........我唔食喇....比我走啦.....好熱呀.....

炳仔:生日有蝦食,真係正呀!唔好以為我咁傻仔會乖乖o地同蝦影相唔識食,查實佢地怕o左我,比我食飽晒,再整多碟黎影相呀!

豬炳最耍家的動作,每次給他零食,他都會坐起然後一手拍向食物,十足一隻大灰熊!

9月10日是豬仔炳、bebe、甜甜和牛奶妹的生日,我祝他們身體健康、開心快樂。沒有特別買什麼給他,零食、玩具已經應有盡有,只是買了一包小魚乾和一個蛋糕。因為我們真的很愛他和寵他,每天過得開心就天天都是生日呀!不過我們對小炳有一個要求,就是不要用咬kitty貓了,否則..............藤條炆貓肉!

Labels:

6 Comments:

  • At 1:29 AM, Anonymous Anonymous said…

    bibi,

    選了相相後send比saru,D相最緊要您地滿意,
    半身冇問題.(^^)

     
  • At 3:29 AM, Anonymous Anonymous said…

    be爸:

    人地一問你户口你就offline,激死!

     
  • At 11:18 PM, Anonymous Anonymous said…

    炳炳生日有蝦食, 真係開心, 不過我唔鍾意食蝦架, 我鍾意食雞雞多d囉!

    kitty白雪雪冇出黎同你慶祝既? 點解呀? 你緊係又發牙仔痕, 又咬kitty女啦.....炳炳大個仔架啦, 要乖豬啦, 聽話, 如果唔係你爸媽就會滕條炆炳肉架啦!

     
  • At 11:21 PM, Anonymous Anonymous said…

    bibi
    佢地生日果日我都試過比蝦罐頭比bebe食, 不過佢咀叼到, 寧願食新鮮雞肉同吞拿魚呀

    炳炳真係好啦, 佢係咪咩都鍾意食, 咀唔咀叼架?

     
  • At 2:25 AM, Anonymous Anonymous said…

    be妹:
    蝦仔好好食架,點解你唔鍾意食呀?我食o個d係游緊水o既蝦呀,o係惠康買架,你叫媽媽去買啦,好好味架!
    白雪雪我好憎佢架,o個日我牛一唔想見佢呀!

     
  • At 2:30 AM, Anonymous Anonymous said…

    be媽:

    bebe係女仔,同kitty貓一樣,唔係咩都鍾意食!炳仔佢係垃圾口,乜都扲黎食,佢試過偷食我唔要o個d肥义燒,總之佢長期都食唔飽,乜都食食食,呢d 死仔用野食就可以捉走佢去賣!

     

Post a Comment

<< Home