禮物

煩人對兩個傻貓真好，買o左好多o野比佢地，計計埋埋濕糧有58 pack，kitty炳今次就正啦！

我落order的，好多都買唔到，反而煩人自由發揮，買o左個兜兜比佢地，睇黎又有排爭！

我o既禮物有.......好彩色o既襪（我唔明點解煩人會覺得我鍾意），仲有一個我好鍾意o既袋。

呢個咁騎呢o既o野，大家估o下係乜...........無錯就係一個掃把，o岩晒我掃貓廁所飛出o黎o既沙！

煩人的12日日本行，尋日剛剛回來，無諗過會買咁多o野比喵喵，仲有個marie兜兜！反而佢自己就無乜買o野，零食都無，最新奇係o個三對彩色o既腳趾襪，佢話著訓覺會好暖，所以買比我，因為我冬天長期手腳凍！聽落係咪好感動呢，查實我想話比大家知，冬天我一定插隻腳落去佢大脾到保暖...........所以........大家明無？