小暖袋
材料十分簡單，但出來的效果很好！只要暖貼、拉鏈和正方毛巾便可！
最後張暖貼放入去便完成！我試過抱住來訓覺，十分溫暖！
小炳努力玩緊個毛巾暖袋，一來是因為暖，二來是小炳一向都對毛巾情有獨鍾！上年，我已經有用這暖包，因為kitty貓乖巧，我只要放在毛巾下便可。但炳仔是五爪金龍，一定要做足功夫，以防他的爪爪神功！做了這一個毛巾袋，效果非常之好，連我自己都偷來試用，哈....哈.......希望他們會喜歡呢！
posted by kitty貓貓貓 @ 1:27 AM
12.23.2005
材料十分簡單，但出來的效果很好！只要暖貼、拉鏈和正方毛巾便可！最後張暖貼放入去便完成！我試過抱住來訓覺，十分溫暖！小炳努力玩緊個毛巾暖袋，一來是因為暖，二來是小炳一向都對毛巾情有獨鍾！上年，我已經有用這暖包，因為kitty貓乖巧，我只要放在毛巾下便可。但炳仔是五爪金龍，一定要做足功夫，以防他的爪爪神功！做了這一個毛巾袋，效果非常之好，連我自己都偷來試用，哈....哈.......希望他們會喜歡呢！
14 Comments:
At 11:49 PM,
Anonymous said…
bibi你真有心機! Kitty同炳仔真幸福! 條拉鍊你用咩整上去架？衣車？我就無你咁叻啦，整個10蚊棉質筆袋入住個暖貼就算。不過個衰野咬到條拉鍊幾乎變型呀! :(
By the way, Merry X'mas & Happy New Year wor! :)
At 12:45 AM,
Anonymous said…
yeungyeung:
平時我一定唔會有心機o架，不過，見到佢地兩條友就突然愛心無限law，我都唔知點解呢？？
hehehe......個袋仔，全人手o架，條拉鍊......縫上去law，kakakakakak...........
你都係呀，Merry X'mas！！
At 9:53 PM,
Anonymous said…
bi, 你好有心思, 呢個溫暖牌保暖袋, 入面唔駛放暖包都夠暖啦!
At 9:54 PM,
Anonymous said…
唔記得講
best wishes to you, 煩人, kitty貓 & 小炳, merry christmas!
At 11:59 PM,
Kinki-Milo-Abby said…
bibi,
你有無去HKCATS check呀? D日曆29號又有得羅啦!
雖然遲左講, 但都祝你一家四口Merry Christmas and Happy New Year!!
Connie
At 12:13 AM,
Anonymous said…
connie:
我知再有得扲呀，不過我今次派個代表去扲，kakakak!
我都祝你新年快樂，身體健康
yeah!
At 12:09 AM,
Kinki-Milo-Abby said…
bibi,
收到日曆嗎? 我第一次睇就見到kitty個麥頭喇!
蛋蛋爸爸,
雖然我同你未傾過計, 但我好八卦咁去睇左你個blog...
其實每一次我聽到有貓貓去左彩虹橋都好想喊, 一路諗如果係我貓貓我會點呢?
但, 好老土咁講, 生命不在乎長短, 亦唔係我地可以控制, 但係呢個有限既time frame裏面充滿著你的愛, 蛋蛋既呢一生已經無憾.
我從來唔係一個識講野既人, 但我好希望每一個不幸失去貓貓既主人, 都可以帶著快樂既回憶開心的生活下去.
Connie
At 1:30 AM,
Anonymous said…
Hello! Connie,
雖然怪怪地,在bibi個blog回應我,我又回應您,唔緊要啦,大家都係愛meow人呀嗎?係咪?
其實我最唔喜歡去睇這些關於小朋友到彩虹橋
的事,因為我都好似您咁聽到或睇到就想喊,亦都諗如果係我貓貓我會點呢?點知...
呢段有十分十分有限及最後的time frame相當珍貴真實,裏面充滿著我,be媽和錫蛋蛋的人的愛意.
呢段時間,當自己一個人行行下,無論什麼情況,我眼都充滿淚水,我不斷同自己講,果一日,
就算放棄自己的生命,就算用好多錢,就算擁有可複製蛋蛋的DNA,他亦不會再返,因為已經冇左他的靈魂及記憶. 我不段找一些宗教資料有關動物離去後會到那裡,好可惜...係冇!
使我萬分失望,更喊得失控,點解人離去後有天堂同地獄,而動物就冇,只是煙消雲散.
所以只想可以夢見他在那裡,告訴我現在情況安好?就這樣咁簡單我就心滿意足.
唔好意思呀bibi, 在您個blog到寫左d咁悶及唔開心嘅野.
希望大家有個快樂的2006年!
be蛋爸
Connie
At 3:53 AM,
Anonymous said…
bi, 同你傾傾下off左既, anyway, 多謝您!
At 9:11 PM,
Anonymous said…
bepa:
唔洗客氣啦！張card好小意思！
蛋蛋走o左，的確令人好傷心，但係我更相信，佢唔希望見到你o地咁o架！生老病死係人生，個個都會行呢條路，只係有人長有人短，而我o地亦都唔知幾時先行完條路，所以要更加努力活在當下！
而生命亦都唔在乎長短，最緊要係有無意義！蛋蛋生命o係比較短，但相比起一d生活o係街o既貓，就算長命亦渡日如年！所以蛋蛋係幸福！
更何況，你o地同蛋蛋係個緣份，既然上天係注定蛋仔只可以活到一歲，就算佢o係邊個家庭，結果都唔會改變！你應該感激可以同蛋仔行過呢段路，我相信蛋蛋有你o地o既愛亦會無憾！
蛋蛋都可能未必鍾意做貓，呢次可能係佢重生o既機會，比個機會蛋仔，選擇一條佢喜歡o既路，如果有緣一定可以再相見！
唔好再唔開心，對蛋蛋o既思念放入心裡，要放手比蛋蛋選擇一條佢喜歡o既路！一個生命完結，亦都係另一個生命開始！
At 9:20 PM,
Anonymous said…
connie:
我收到日曆啦，你第一日就見到kitty姐姐，我搵o左好耐先見到佢渣........不過個日曆已經比炳哥咬到........爛晒，d圈圈爛到.........慘！
的確，見到貓貓o既離去令人十分傷心，由一養貓時已經知道貓貓一定比我o地更好離開，但有時諗番轉頭，如果我地先行一步，貓貓就會好慘，佢o地會更加傷心，所以寧願自己承受呢種傷痛，都希望佢o地到走o個一刻都係快樂o既，你話係咪？
At 9:23 PM,
Anonymous said…
bema:
soso sorry呀！我尋日同你傾傾下時，佢地兩條友仔無啦啦開片呀，突然之間張條電線分屍，個頭仲插o係電插坐到，條線就fingfing下，要今日買過條新線先上到網呀！sorry呀！
At 11:41 PM,
Kinki-Milo-Abby said…
bibi,
肥炳咬爛左個月曆?! 咁點算呀? 你有無買多一個?
唔好意思, 借左你D地方, 我好同意你講既野, 其實我地養貓貓既第一日, 就知道佢地會比我地早走(隻死肥仔開頭仲個個月同我計住kinki仲有幾耐命!!). 我好希望蛋爸(係唔係仲有蛋媽呀?)都唔好再咁down, 其實我除左聽到貓貓唔係到, 會好唔開心, 我見到貓貓主人既傷心, 我都會好唔開心架. 我好希望佢地可以快D振作返啊.
Connie
At 1:40 AM,
Anonymous said…
bibi & connie,
多謝您地關心,我好同意您地的意見,生命不重於時間長短,是重於有冇意義,而天要這樣的安排,人亦不可逆轉,從中我倆得到很多啟發,很多領悟,我們亦相信蛋蛋是無憾,因為到最後一步我們亦可與他共同渡過不離不棄,在他心裏有我們的支持及愛護.
今日下午看了一套講述宇宙起源的節目,銀河系好大好神秘,地球好細小,生命,星體,全是一個循環系統,生命到完結時另一生命正在開始,
好多野連天文地理及科學家都只知一二,更何況人與動物離開後會到那裡.
總知蛋蛋豬想去邊就去邊,好似我倆星座咁,不喜歡困住.
如果大家有緣份,無論什麼情況一定會再相見,
此信念我永遠都堅持.
be蛋爸
Post a Comment
<< Home