自由行

襯住仲有半條人命，煩人先生當日又得閒，所以就上o左去深圳遊蕩，雖然唔知有咩做，不過叫做四圍行o下，好過o係香港D電話不停響！


首先蕩o左去可口可樂專門店，呢間o野巴閉o羅，除o左美國同日本就只有呢間！之後想食雪糕，不過無我鐘意o既味，都係返香港先食lu.....反正一樣咁貴！

然後就去o左一間叫大灰狼o既餐廳開餐，裝修好特別野食都好味！查實我地叫o左好多o野食，仲有我至愛o既拔絲香蕉.....不過我唔記得影相！嘻∼嘻∼

買o左可口Tee一件仲送無敵大o既可口樽，仲有我次次必買大陸獨有o既吉百利黑朱朱力同朱朱力百力滋，最驚喜就係o係陸版Citysuper，Ole到見到零零狗專程由日本買比貓地o既濕糧，只係$4.x一包，不過寶礦力都係賣$3 o既同時，呢隻糧都算貴！