炳哥日記.....

0600-1400
炳哥：訓o下覺....發番個靚夢.....真係爽呀！

1400-2000
炳哥：下晝最好曬o下太陽relax o下，等我唱番首歌先.........（金絲雀..金絲雀...不憂食..不憂渴...dadadada）

2000-2400
炳哥：食飽無o野做.......等我打o下白貓先.....
Kitty貓：走開啦你......人o地同你friend番咩....

2400-3000
炳哥：令女，見你咁悶......今晚我陪你！
Kitty貓：你好白痴呀，唔好話比人知我識你呀.....
炳哥：...........................

解構Kitty貓

好耐無幫Kitty貓影相喇，今日發覺佢個樣好似大個o左好多，唔係BB樣喇..

唔知點解....自從炳仔o黎o左之後.....Kitty貓個樣變得...越o黎越怒火...

Kitty貓其實唔肥，不過冬天時生到一身厚毛毛，好靚呀............D毛！

大家可能見得Kitty貓多，但又未必真正了解佢o既性格，又有可能比佢個外表欺騙o左！
其實.....佢性格比炳哥更強悍、更烈火，對外人更熱情，亦非常鍾意扮o野，有人o黎探佢唔理係邊個，
即刻第一時間閃出廳，樓兩樓個屎忽就四圍行，當正自己行catwalk!
而且佢越大越刁蠻，好明顯係比煩人種成咁，細細個都仲好鍾意剪甲甲、梳毛.......
而家一路梳一路大叫，次次都會fee~~fee~~不過一定唔會咬同出爪，所以佢fee都無人理。
仲有，Kitty貓係唔會喵喵叫o架，佢只會ee o我o我同埋ar..ar...聲，有時仲有口形無聲....
如果大家想見佢......就買多D野食上o黎探o下佢啦........HoHoHoHooooooooo

Kitty妹妹呀

幾個月前借o左kitty妹妹比煩人影相.....同時間又應承o左be媽d相出o左比佢睇。點知無厘頭的我，幾時出o左唔知！連本書都未睇過！更加唔記得比be媽睇......
好彩，幾日前要問個貓友仔借隻大汪汪影相，於是我就扲番d相出o黎做個demo，從而我就諗起.........自己都未睇過，亦都唔記得比be媽睇......新一年.....要還債先.....
呢次真係煩人第一次幫kitty貓影相，不過阿kitty姐姐點都唔望鏡頭，大家所見佢係望緊............我！大家都會話，我企o係鏡頭隔離咪得o羅！無錯......的確我有試過，但見到煩人同我一齊.........ohohoh......即時出盡力怒吼大發獅威，點都要過o黎我o地到，所以我唯有企開D!