kitty-bingbing: April 2006

o鍚o下佢地啦∼∼

我地叫佢做亞黃，佢係我亞e餵開o既貓..其實佢唔係街貓o黎o架，佢係一間報紙檔養o既....不過報紙檔老闆唔理佢，由得佢四圍走周街訓食都無得食.....不過早幾個月....亞黃因為食o左公園老鼠藥.......走o左喇.......

每當我見到屋企o個兩個大皇，食好住好冬暖夏涼要乜有乜，用o既食o既都講究到要o係日本訂番o黎時，我就會叫佢地身在福中要知福喇！佢地除o左生活好過我之外，亦都幸福過佢地生活o係街o既同類。當我訂罐頭o個時....就會諗起街貓們一日三餐都成問題，訂床仔時...就會諗街貓們想有個窩訓下都無.....真係好陰公！
自問都有心無力幫唔到d乜，所以上次我同亞e就小小心意送d罐頭、乾糧比義工，希望貓貓會開心啦！

希望大家都可以幫o下貓貓啦！

我上次叫呢間，佢可以用bank過數，之後就會送去指定地點！
http://www.apepet.com

如果大家唔知點搵義工，可以去呢到pm比angel snow，之後話想送d o野比貓貓就得o架啦！
http://www.ayumionline.com/forum/index.php

隨身攜帶Kitty貓

想出呢部電話好耐o架喇....嘻嘻....早排終於出o左......呵呵.........有得玩喇.......

因為我有個best friend都係呢部，所以我就可以同佢3G o羅，而家我亞e又出o左不過未扲電話呀......遲d我又可以成日見到佢d貓喇.....heheheeee.....不過我估次次都係同一個動作，就係齊訓.....無其他o架喇.....
我一路都想搵Marie電話繩，因為好似kitty貓o麻，但係呢....搵o左好耐都唔o岩心水，點知今日就比我無意中見到，仲買埋個鎖匙扣添......
白痴就白痴o左d.....不過做做o下o野扲出o黎望o下....就好似見到Kitty貓咁...會好開心wor....好彩無炳仔公仔，如果唔係我成個電話都要掛晒電話繩呀.......

B.be快d好返！

衰B....雖然你成日扮大佬又教壞阿炳哥，不過......你都要快d好返好返好返好返好返好返.......

繼上回炳哥痾滴滴尿之後，今晚我亞e打比我，好驚咁話我知佢個B.be突然又係咁，所以佢即刻打比Dr.maggie book 聽朝帶去睇。我亞e仲話係炳哥傳染佢wor.....不過好明顯係....佢地無見過面！本來係我帶B.be去睇，之但係我話去到我會匿埋，因為B.be係非一般貓，上次佢地諗住近近地帶佢去屋企樓下打年針，都嚇到個vet面青青....上次衰B咬我o個啖....我一定會報仇.....咬番佢.......不過我諗Dr.maggie一定唔會驚佢....日日見咁多貓，實有方法對付衰B！衰B.....快d好返好返好返好返好返好返.......

下週預告

今日煩人打比我，話我知呢兩日會有d野送到屋企，而家o個樣野坐緊飛機黎香港。我問佢係乜佢又唔肯講，只係話可能我會好開心又可能會好嬲亦可能會發脾氣最大可能係樣樣反應都有，佢仲話同o左d貓講...得我一個唔知.....又話可能我會玩....佢唔係話我知有第三隻....不過應該都唔會...我又諗唔到係乜....好R頭....(下回分解)

打年針

Kitty貓：我而家嬲到爆呀....話晒我都係一隻乾淨o既白貓，有乜理由要洗牙呀？點計都係騎呢炳先啦.....激氣...

炳哥：今朝係呢個袋扲我出去打針o既，等我家陣訓住佢.....壓到佢瓜柴先....

查實佢地兩個晨早就要打年針，不過要就煩人個時間，醫生同我返工個時間又一樣，攪到kitty貓遲o左半年炳哥就遲o左兩個月.....今次唔理咁多，月頭book定時間.....點都要去打。又好好彩.....比我撞正煩人今日唔洗做，咁就一齊帶佢地去打針針.....之但係，可能我太早book，攪到記錯時間，遲o左大半個鐘添.....真係唔好意思喇.....
炳哥就無咩o野，醫生就話上次佢尿尿問題係壓力，叫我唔好比壓力佢.....其實從來只有大哥炳比壓力人，邊個夠膽比壓力佢bor.....可能係佢晚晚咬kitty貓，我成日鬧佢啦......
kitty貓有一邊耳仔成日dirty，醫生話食物敏感呀，的確佢食炳哥d糧就係咁喇，但係就問題不大！成日都係，我自己唔覺o個d問題，醫生一講番，再夾番個時間.....又中wor.....我都好大意o下！同埋，我發覺我有一個問題，就係成日都無留意佢地起居飲食有咩變化，同埋只係覺得佢耳仔應該係有d野先會dirty，又直覺地覺得打針o個時問o下醫生law....又唔諗o下自己做過d咩、比過d咩佢食....好彩我係一個幾聽話o既貓奴，次次vet講完我都會照做......唔會拗頸....仲有呢，kitty妹妹棚牙肉好紅有牙石，要半年內book洗牙，其他都無咩問題！

kitty、炳哥變o左卡通.......

炳爺：你思覺失調就及早睇醫生啦.......唔係將我同XO比呀？好明顯....我靚仔好多啦....

Kitty貓：點解所有白色長毛貓你都要話係我o黎o架？我寧願做Marie好過喇.....無啦啦要我做蝦毛Kitty隻寵物.....

今朝睇完中醫先返工，唔知點解睇完仲好早，返到去一定無人啦，所以就四圍蕩......見到Trendyland有d復活節大酬賓就入去睇o下，唔知點解....我次次都比到理由去買一樣o野，買唔到會好唔安樂！所以呢.....點都簡番幾樣開心o下先！
我成日都話炳哥係XO眼，仲要眼反反.....嘩....比我見到XO Table墊....仲得了...緊係買啦....而家無時無刻都可以見到佢！
仲有，又突然見到hello kitty隻寵物charmmy kitty相簿，好令o架.....咁我咪可以曬佢地d相放入去o羅！好o野....

好書推介

呢本我想買o左好耐o架喇，要搵o個時搵唔到.....而家無意中比我見到...即買！

以前未見過呢本書呀，見佢o既內容都幾得意，所以......買埋！

唔係我自己睇，送比煩人o既....呵..呵......呵...呵..呵...呵.......呵...

上個星期落銅鑼灣做o野，比我見到樂文大減價，台版65折港版8折，呢d情況....緊係買o野事大做o野事小，lee lee拿拿攪掂就殺過去，仲有意外收獲.....買到一本想買o左好耐o既書！

貓咪不要哭：講一隻貓貓o既一生，由貓o既角度講番同主人一齊生活o既趣事，好感人o架！

100隻傳說中的貓：有歷史貓、神畫貓、名人貓仲有講招財貓o既歷史，都幾好睇！

富足一生﹣東尼投資十大心法：呢本唔係自己睇，送比煩人o既，我見東尼叔叔呢期好Hit，就買o左喇！o岩晒煩人啦....