靚兜兜

一箱二箱.....全部大大合.....仲要係日本空運到港....大家估唔估到係乜o野？

呵......呵....呵...呵......係兩個同款唔同色....好靚o既草莓食飯兜.....

同埋....一箱勁好味o既濕糧，仲有香港已經絕o左版o既星星、花花小食......

早排，有個超級好人o既台灣貓友返o黎香港，本來想o係台灣mother garden幫我買呢兩個兜再帶比我，不過當期時無貨.....到o左上星期，佢同家人去日本旅行，就專登去買呢兩個兜加一箱濕糧，而星星、花花小食係佢個外國朋友幫佢買，佢再送兩大包比我.....之後佢扥佢住o係香港o既爸爸媽媽扲返黎比我............
今日我去交收時，先發覺原來係好重同好大袋，要兩老由日本帶番香港，真係好唔好意思....好內疚....
呢個貓友同我素未謀面，但個感覺就好親切，仲好好人咁幫我買o野返香港......
佢同佢屋企人實在太好人喇......真係令我好感動.....
CAN....我同貓地都好多謝你.......炳哥話想啜你一大啖呀......

24小時

炳哥：乜個傻婆正日唔o係屋企o架，好似我咁食飽就訓，訓飽就玩，玩飽就食.....咁咪好o羅....wah...好眼訓呀.....

Kitty貓：炳仔.....你眼訓大晒咩，遮住個口先啦.....好樣衰呀你.....我都無眼睇....

一日24小時，我真係唔夠用，如果....如果.....可以加多10小時...就好喇！其實我家人同朋友好多都唔清楚我返工時間，雖則係好凌亂不過又好規律。查實我係放勞工假，如果o個個月無紅假，我就大單o野只得6日假，即係其中兩個禮拜只可以放一日，有呢我就可以補假喇，哈哈.......

星期一：因為埋版，所以都好大鑊o下，返1點零放凌晨2-3，半條命返屋企，之後執屎同貓傾兩句沖涼呆坐.....又到5點....訓覺。

星期二：返1點零，之後做做做坐坐坐......今日可以收早d，7點幾走人...不過因為尋日o既關係都係半條命，返屋企清潔執屎同貓傾兩句睇書做運動煲中藥.......又4點幾....訓覺。

星期三：如果有假補就放呢日，無就返工....做做做坐坐坐......7點幾走人...返屋企拖地執屎同貓傾兩句洗衫睇書做運動煲中藥.......又4點幾....訓覺。

星期四：通常都出去做o野，收幾點無定.....半條命返屋企.....返屋企拖地執屎同貓傾兩句睇書做運動煲中藥.......又4點幾....訓覺。

星期五：惡夢開始...11點幾返去開會....做做做...放9-10點.....食埋飯返到屋企差唔多12點....之後...執屎同貓傾兩句睇書做運動煲中藥.......又5點幾....訓覺。

星期六：超大鑊.....1點幾返到去，之後放凌晨4點零.....屎屎下返去....執屎同貓傾兩句飲中藥.......天都光....朝早訓.....

星期日：因為訓o左大半日，呢日假期有d老點成份...所以一定唔可以出街，因為無時間做家務...起身同貓玩大清潔洗衫睇書做運動煲中藥.......又3-4點.....唉....訓覺......

有樣o野好好彩，我可以光明正大o係公司上貓網.....又可以上網買o野.......唔係就慘lu.......

轉糧

Kitty貓一直都係食RC Sensitivity Control，而炳哥要就番kitty貓偷食，所以要用RC黎溝Wellness。

Kitty貓細個時腸胃差到不得了，只可以長食RC腸胃敏感糧，食親罐頭、零食、吐毛膏、維他命等等....都痾血，後來好好彩睇醫生.......總算攪番掂......不過佢腸胃始於係比較敏感，所以主食乾糧我都係比敏感糧佢食，每日晚餐就會加1/4罐頭。而炳仔......根本上佢係一個垃圾筒，但細細個係我亞姨幫我湊，佢o個到都有隻喵腸胃敏感，為o左佢地唔好食糧食到亂晒，所以炳哥都係食敏感糧大，另外會溝少少糧比佢。
o個時我亞姨好好心機，溝過好多隻糧比佢地，Natural Balance 、Felidae、 Innova、 Nature's Variety 都試過.....不過班大帝唔欣賞。
到o左炳哥返黎，我就溝Wellness比佢，好彩.....呢隻佢鍾意，而Kitty貓偷食都ok..........之但係呢個煩炳佢近排食到厭，唔鍾意喇.......咁即係我又要轉糧啦........唉......呢個問題真R頭，而家有兩隻諗緊，一係試formm可以就番Kitty貓，不過我驚炳哥唔鐘意，一係試Neutro Choice Complete Care，不過又驚kitty貓偷食時會肚痾.......呀......好煩呀.........

懶蟲

炳哥：我都唔係好懶之o麻.....只係下晝掛住訓......唔食飯姐...........夜晚o個餐咪食多D o羅！

炳哥：瘦o左少少姐.......洗乜大驚小怪呀......瘦D先溝到女o架........傻婆......

炳哥唔知由幾時開始，下晝勁訓......訓到飯都唔食，到夜晚o個餐就不停食，仲晚晚怪叫問我攞宵夜，一日一餐底下咪攪到瘦o左o羅......陰公.........一向佢都係肥身唔肥頭o架o麻，而家又瘦晒落個頭到，攪到頭細身大.........仲要晚晚不停跳上跳落叫人同佢玩幾個鐘，唔通炳哥想o係夏天到做纖體代言人？唔好喇掛........快d食多d o野呀......傻仔炳

週日假期

炳哥：星期日，如果個貓奴放假就一定留o係屋企做賓妹o既，o係佢未做之前我一定會狂喵怪叫，叫地佢心都煩埋，就一定扲o野食塞住我把口o既...........你地睇o下！又成功喇........

炳哥：食到飽....咪走上床碌一陣.....再叫過，叫到個貓奴火都o黎埋，我就一定有o野玩o架喇......e..e...o個個咩o黎o架？

炳哥：話口未完，我個目標已經出現，今次係一條白色羽毛.......等我睇準先..........再出擊......

炳哥：我砌.....我爪.....出右掌...爪爪爪.......爪你落o黎.......爪呀爪呀爪呀爪呀

炳哥：呀...你仲左Fing右Fing......家陣當我傻仔炳呀....砌砌砌...企起身爪你先...星期日我就係咁樣過，你地呢？

悶炳...

炳哥：日日訓上個貓樹頂到.......都唔係辦法！悶成咁......要搵D野做o下先得.....

炳哥：唉....唉..唉..好悶呀..日日碌黎碌去都無事做..白貓...你o係邊呀呀呀！

炳哥：諗諗o下.......搵白貓玩o下都好wor.....反正....佢同我一樣都咁得閒...Heheheheeee

Kitty貓：白痴炳...我影緊相呀....唔好煩我啦.....你唔好落o黎呀......

炳哥：嘻..嘻....嘻....白貓...原來你影緊相呀？o岩晒....等我落o黎同你.....反o下先......

Kitty貓：乜你咁o架.......好煩呀你.....攪到我無得擺Pose影相....好煩呀你

親密關係

Kitty:我唔想比人知我同傻仔炳訓呀....可唔可以唔好影呀∼∼會比人笑o架！
炳哥：我覺得我好靚仔wor，同我訓有咩問題呀？白貓....你真係唔識貨呀∼∼
o個朝一訓醒，就見到佢地o係床尾訓成咁喇，即係影低去先！我未見過o架....

掂住訓....但係都唔會對望o架bor！因為炳哥唔夠令仔...Kitty貓都唔想望佢o羅！

好o野..好o野......兩個大帝第一次掂住訓呀...唔知點解佢o地呢排突然Friend o左！可能屋企成日無人，佢o地迫住要相依為命啦！

真係無諗過佢地可以做到朋友仔！雖然佢地每日都會互片幾次，不過都係玩o既成份多，就算炳哥咬kitty貓，kitty妹妹經過呢幾個月o既特訓都已經學成防狼10招，識得點避喇！我諗時間越耐佢地o既感情變得越深，呢個應該係好重要o既原因！