恭喜發財

今日係年初一，我同kitty貓、炳炳同大家拜年∼∼∼∼∼

我祝大家身體健康、心想事成，最緊要係貓奴今年賺多D，貓地就可以豐衣足食。
Kitty貓：我kitty貓祝各位姐姐青春常註、大吉大利，貓地就要聽教聽話、咁就要乜有乜o架啦！
炳炳：祝大家開心快樂、老少平安，貓地最緊要精神爽行、無病無痛呀！

草莓墊

近來工作到無家人、無朋友、無時間，難得今日要到維園工作，一定唔會放過買o野o既機會！左睇右睇........嘩不得了呀，草莓墊墊呀，即買即刻要買！今次貓地又有新年禮物喇...........原先同煩人約好，今個新年去睇柏芝姐套戲，但係今日佢一見到我，已經話睇我好過睇戲...唉......佢都唔明，買o野係我興趣，返工咁辛苦，買o下o野都得掛！！

暖笠笠

近幾日天氣冷，kitty姐同炳哥突然興起做上下隔鄰居，以前都未有試過！不過，過一排佢地又會轉過個地方訓o架喇！

Kitty姐最鍾意霸住呢個箱！訓o係入面，就可以監察住成個廳，眼甘甘四圍望！

Kitty貓：呢個箱前後都有窿......好容易比炳仔偷擊o架bor.....等我望實佢先！

兩隻喵喵真好！原來一隻和兩隻真的有很大分別，現在才慢慢感受到。最明顯是爭o野，爭o野玩、爭o野食、爭地方、爭寵，以前只有kitty貓，全間屋都是她，無o野好爭。而家，其中一個發現新大陸，另一個一定走去爭，如果炳仔訓o係一個新地方，以後的一星期，kitty都會霸住訓，同樣，kitty貓玩新玩具，炳哥亦會去偷............
今次，佢地係爭貓樹，好彩夠高夠大唔洗爭一貓一格，仲有毛毛布暖笠笠，真開心！

玩狗狗

肉眼睇係好靚o架！唔知點解，影出o黎會變成咁.....大班狗狗一字排開，企o係在鐘上面，好得意！
呢張都係好鬼秘！跳字鐘已經無位喇，呢隻狗狗要自己企過隔離......我一定會好快搵齊d朋友仔陪佢o架！

又係7仔！又係一個開頭唔儲，攪攪o下要儲齊o既故事！之前d hello kitty磁石貼、掛章已經玩到我死死o下，而家又o黎多set大頭狗！本先無諗過要儲，但眼見屋企越o黎越多，放放o下又覺得幾得意......於是，要儲齊去！！由磁石貼開始，已經覺得要同7仔d亞姐打好關係，可惜我無.......唉.....又要靠自己喇！

有草High.....

到最後......緊係又要我出手啦.....唉.......激氣！

騎呢炳的騎呢動作

炳仔：有無攪錯呀，我都唔係好騎呢姐，係有時坐o下諗o下o野，扮o下蝸牛咁囉，騎呢得過你成日張我同白貓d相比人睇..........

小炳性格好極端，個行為好大膽，內裡就無膽鬼，對新事物又好奇又要驚，唔講唔知，呢個友仔見到d新人同埋一d新奇o野，一定會痴住kitty貓，人就大份膽就細，相反kitty貓對任何事物都無有怕，對陌生人仲好過對我，大方又得體！不過，講到動作，一定係炳仔最騎呢，佢每日都會自創新招，無論坐訓都會有新姿勢，日日都有驚喜！

新年快樂

Kitty貓 & 炳仔：2005年對我o地"黑白雙煞"o黎講係充滿奇蹟o既一年，我o地經歷o左180日o既長期戰爭，終於.........有一日，期待已久o既一日，我o地化敵為友，雖然唔講得上o係知心好友，但起碼都叫做有個伴。原來只要有夢想；凡事可成真，各位哥哥姐姐2006年大家一齊努力喇！

Kitty貓：我kitty貓祝大家身體健康、肥肥白白，炳仔就要聽晒我話......乜都就晒我.....kakakakakak

肥炳：各位新o既一年我祝大家都開開心心，你o地做貓奴o既要勤勤力力，搵多d錢買o野比我o地。最緊要係聽教聽話，我o地貓地話乜都要跟住做，知無！

又蒸又燙

呢部機可以燙衫、乾洗、殺菌，我用佢o黎洗貓樹貓屋，都唔錯o架！

尋日去冬季加年華行街街，見到這部燙衫機，而本身有一部蒸氣機的我本來沒有興趣，因為我從不燙衫，蒸氣只為清潔貓用品，但試用過之後便覺手感唔錯，用起來亦非常方便，所以便買了一部！而且這機可以兩用，掛上一塊白色低板，便可用作乾洗和消毒，除下低板就用來燙衫了。
還有，只是＄１００，用爛了都不會太心痛！