kitty-bingbing

我叫李吉蒂,英文名係Kitty Li。個個都叫我亞吉、吉貓、吉仔、傻吉....大家都可以咁叫我o架! 我最鐘意訓覺同玩,最憎當然係肥炳啦,佢個白痴炳仲每日都追殺我.....我...梗係...匿埋啦! 唔通同佢打過咩...........

8.31.2005

中途宿舍

老大大舊:我個樣咁cutie,強項當然係扮乖乖,扲o野食啦!我好犀利o架,識得好似狗仔咁setset,黎緊我要練習比手手,我咁乖實可以食晒成屋d零食啦!

老二b.be:我o既志願要做大佬,o個時肥豬炳左住晒,所以我就同佢日打夜打,打到你死我活。唔講唔知,我同蝠be係同父異母o既兄弟,不過佢咁黑我唔會應佢o架!仲有我好有性格,一唔高興就fee,邊個都無面比!

老三蝠be:我好慘o架,夾住o係中間,大o既蝦我、細o既唔so我,高不成低不就!仲有我生得黑o者,都唔洗叫我蝙蝠仔o麻,攪到我比貓笑呀!

老四牛奶妹:肥豬炳係我亞哥,唔好睇我細細粒,其實我好好打o架,o個時佢蝦我,我一定還手,仲有我係聰明女,一早就跟o左b.be做大佬,有乜事都無有怕呀!

老五甜甜:我都係肥豬炳個妹,但係我唔太親人,如果有人抱我一定大叫o架,不過對住貓就唔同喇,點玩點抱都無問題!

小時候的kitty貓體弱多病,所以肥豬炳就暫時放在亞姨的家,就是這個中途宿舍貓貓的樂園。亞姨對喵喵有獨特的見解,她的金句“貓係用黎縱,唔係用黎教”,的確她的喵確實愉快。這個家,對喵來說是個天堂,所有喜歡的東西都可以玩,不喜歡的東西亦可以打破,到她的家常常見到戰後的情境,餐椅跌在地下、貓樹訓在地上都是每日常見的事情!我常對亞姨說“多謝晒,幫我教到肥炳咁(乖)”,她總回答“唔洗客氣,舉手之勞o者”。我真想說∼∼∼∼真係多謝晒呀!

Labels:

8.29.2005

戰利品

今天的行裝,極像回鄉探親!滕藍子,是玩問答遊戲嬴回來的獎品!

很多戰利品,毛毛棒只是$20/3支,有點後悔沒有買多些。

大堆零食和濕糧,肥豬炳有口福了;靚靚喵袋,和我現有的形狀相似,很好用。

3種貓沙,不同用途,給我的喵喵和兔兔使用!

肥炳:唔制呀,我又要出黎拆禮物,悶死我喇!

我家煩人今天要工作,不能做我的“苦力”,沒所謂反正我已約好亞姨和姨丈(曾經說過我們3個獅子座真的不要再見面,因為我們的戰續彪炳,試過一起去睇貓,無啦啦買了3隻貓,經常互相鼓勵不斷購買,而且他們比我男友的年紀還少,只是大我幾年,所以臭味相投),有他們陪伴更好。有了上年差點“斷手”的經驗,所以醒目了,一定要拿車仔,今年比去年熱鬧,產品更多。我們3人行,不停買買買,收穫豐富,可惜是最後一天,漂亮款式很多都售罄。kitty喵炳炳仔,知不知道你們多幸福呀!

後記:走時,我們3個“盲中中”行錯了<金紫荊廣場>出口,嘻.......嘻.........當時我們拉著車仔,簡直和自由行的朋友們融為一體,難得的機會,一定迫他倆站在金紫荊前給我拍照,效果一絕,可惜他們已嚴重警告過不能公開相片,否則後果自負,唯有留著自己欣賞!

Labels:

8.27.2005

綱牙神功 武功蓋世

東窗事發,豬頭炳依然扮無知扮可愛,傻豬我邊會鬧你.............我直頭扲你去打邊爐呀......聽者有份.....

肥炳:saru姐姐我真係好鍾意B女o架,我承諾一生一世愛佢,你送個比我...........................咬.......

想極都不明白,一個圓碌碌的罐子,肥炳何解可以咬致這樣,個口要好大呀.......

裡裡外外都是穿的,連堅硬的盒蓋亦難逃一劫............

我家煩人比我早起,他見到傻炳炳可憐的怪叫,便放他出廳自由行,自己則在電腦房中工作,kitty貓則陪我訓覺覺!一會我起床了,一行出去已經見到一個黃色物體“四圍碌”,心知不妙.......豬頭炳偷了貓草下來,明明我已放上一個很高的架子。我沒有嬲,反而大笑............簡直笑中有淚.......我笑肥炳嚴守他做貓的格言,笑有什麼方法可以拿到,大笑綱牙神功已練成可以下山,大大笑圓碌碌的東西為解可以咬穿,人類用手指緊緊拿著這貓草罐都不可能咬穿,何況豬炳是沒有手指的.................天呀...................看見這罐子的下場,我更加擔心kitty貓的頸!(以上圖片可放大)

Labels:

8.26.2005

拖鞋

舊的拖鞋,死在肥炳的鋼牙下..........慘不忍睹




新的拖鞋仔, 希望肥豬炳放過它啦..........









陪伴我年多的花花拖鞋,始終不敵肥仔炳o既鋼牙神功,終於在昨日宣佈死亡。死前受硬物嚴重襲擊,皮層裂開,屍骸在肥炳口中發現,有證據顯示肥炳就係殺鞋兇手,kitty貓正落案起訴佢兩項罪名,謀殺及蓄意破壞證物,一經定罪重打50大板及停止所有零食!
大家可能會覺得這鞋看似極度“ 女人”,其實著上腳感覺立即改變,當我今日到鞋店買新的鞋仔時,見到幾名日本少女興高采烈的購買,好奇之下,便問問老板,原來這店有很多很多日本小姐“一打一打”的買回去。的確,這鞋子著上十分漂亮一點也不“ 女人”,而且非常舒適,各美女們不妨試試!

Labels:

8.25.2005

打仗

看見這些工具真令人頭痛,事後的清潔工夫很辛苦!

很久很久沒試過在沒有蚊網的情況下開窗,感覺真爽!

兩姐弟在房中享受電鑽發出的“隆隆”聲,不知道這樣有沒有增進他們的感情呢?

一早起床,已看見師傅們正準備我家的<換窗大行動>,情急之下唯有和師傅說要安頓貓貓才能開工。手忙腳亂,把大籠拉入肥炳的私家房,再抱著kitty妹妹入去,安頓後,再急急腳走出廳下一道“聖旨”,所有人(除了我)通通不能入貓房,因為kitty妹妹好奇心重,有機會一定要跑出去“八卦”。一換就是幾個小時,這段時間我都在房陪伴兩姐弟,他們聽到“隆隆”聲不單沒有驚,而且還很興奮,很想出去湊鬧。終於完工,急忙出去清潔一番,很辛苦的工作呀。清潔完畢已是7點多,兩姐弟才開始他們的午餐,真是苦你們了,不過你們好像很高興呀!

Labels:

8.24.2005

美食

kitty : 細佬炳新口味三文魚+火雞糧,我唔食得架.........不過唔緊要喇,影張相當食o左

小炳炳的至愛零食,一見到................不得了呀

美心新出品<朱古力麵包>,幾天都賣完,今日終於買到喇∼∼好好味

最近迷上的川貝檸檬水和花果茶,每日要飲過才高興

朋友都說,我家真似一個超級市場!因為我極愛買各式各樣食物,只要看見有新食品推出,都會第一時間購買,感覺真好!幸好,家有一個“食極唔肥”的男友,我可以試2、3口便給他,不致要我大包吞下。男友都說,做我生意真好,不用售貨員開口,我都會像先頭部隊衝過去∼∼∼買呀買呀!肥炳像我,喜歡新奇食物,今年的貓展,又要∼∼∼買呀買呀給我的炳炳仔。

Labels:

8.23.2005

給肥炳的信

肥炳不斷爪kitty的大尾巴,嬲到出煙!

肥炳:你隻白貓仲乜企o係上面呀?我打死你!

可憐o既kitty貓連去廁所都要比肥炳嚇!

肥炳:
已經幾個月了,惰況一點也沒改善!我要求不高,只要你能和kitty生活在同一地方便可,你們不需要熱情擁抱更加不需要相擁而睡,只要和平相處,我便心滿意足了。我曾經灰心亦想過放棄,眼見你每天在房中,總覺得對你不公平,到現在我每日都找新方法,希望令你有所改變!
今天,嘗試用一個大籠去困住你,希望你能對著kitty耐一點,要令你明白她是大姐姐,不可以再撲咬她了。你知不知,每一次我給你們見面,只是短短的見一面,你已經令她頸上再少一撮毛,你又知不知,kitty對你很好,從來不生你的氣。
下個月你一歲了,希望你可以和kitty坐在一起慶祝生日,拍一張合照,真的希望你能做到。

Labels:

8.22.2005

古靈精怪





我肥仔炳今次威到盡,無隻白貓左住晒,可以自己做主角!由細到大我都好有創意,每日都比人好多新驚喜,就連訓覺都一樣,有時扮超人,有時就扮乳豬。不過我而家練習緊企o係到訓,假若練成之後,我就真係天下無敵!

Labels:

8.19.2005

新玩具




恨o左好耐o既貓貓樹終於都出現喇!我kitty貓最鍾意訓定定,四圍望,而肥仔炳當然係爬爬爬,爬到高。
其實咁大坐貓樹,最o岩就係我地兩個一齊玩捉迷藏。
可惜,肥仔炳依然故我.............希望....有一日我地可以真真正正o係貓樹上見!

Labels:

8.17.2005

我係kitty貓!



大家好呀,我叫kitty貓,可以o係呢到每日同大家見下面,真係好開心呀!
我平時最鍾意捉老鼠同四圍跳,得閒就睇下電視訓下覺。個個都好羨慕架,玩玩玩玩又過一日。
我有個細佬肥仔炳,不過我同佢唔係朋友o黎o架,佢好黑人憎o架,一見到我就咬咬咬,煩死我!

Labels:

我就係肥仔炳!




hi,everybody!大家叫我炳爺得o架喇,我做貓有12字真言∼∼挑戰自己、挑戰別人、肥炳精神。
每日我都嚴守呢句說話,不停食、不停玩、不停叫、不停咬!挑戰人地o既容忍度,突破自己o既極限,
就係每日o既娛樂!我同o個隻白貓絕對唔係朋友,返黎咁耐我都係自己住o係房,唔知點解....................一見佢我就忍唔住要咬到
佢瓜瓜叫,咁點做朋友呀?

Labels: