第一次......

影一次原來真係好大工程....d貓真係超難控制...影到我地....傻呀..........

乜原來咁先進...一路影一路直落腦....晨早比我反o下啦...不過我揸過上手之後就好驚....越驚就越緊張...越緊張就越易整爛...如果真係整爛o左...哈...煩人一定即刻殺死我...我一世都唔會賠得起....太大壓力喇...我都係引貓比佢影好過....

今日煩人如常地影佢o既相，我又如常訓我o既覺....5點幾佢無啦啦殺入房話輪到我..咁我即時反應當然係∼∼做乜無啦啦影我？點知...佢竟然話幫手影d貓呀....嘩...一聽到成個醒神晒..簡直皇恩浩蕩...即時9秒9碌落床...搵影貓三寶：羽毛、紙球、貓草...

唔知煩人今日做乜鬼咁好死，佢咁耐以黎都未試過幫d貓影o架o麻...平時死叫佢都唔肯...嘩...一出到廳...我開心到成個彈起..佢部部唔用...竟然用佢o個部夠比首期加裝修o既相機....天呀....佢攪乜鬼野呀...一係唔影一影就咁呀????

一路影..佢仲好似開心過我...同埋比我發現o左...d貓有得玩係唔怕閃光o架....好o野.....

到最後...影o左兩個幾鐘...我突然覺得好肚餓..原來成日都未食o野wor...三餐當一餐食..都幾好喇...之後我就好好人咁請佢食泰國o野o羅....

D相因為要過幾部腦...需要極長時間...所以幾日後先有得睇...睇住Making of先啦....

不知所謂的貓奴

炳爺：晨早叫你咪理佢o架啦.....而家咪中招o羅.....問你怕未？你比佢煩完....咪返o黎煩我呀....

有個同我共事o既人，真係煩到我爆炸....佢簡直係千年難得一見o既奇才，竟然會有晒我最憎o既性格....平時我最怕人小氣、多疑、成日challenge、吹毛求疵、覺得全世界都害佢.....偏偏...所以o既o野佢都有晒！

成日不停問我貓o既問題，起初我真係好有心機答佢...不過之後就知中晒招.....佢可以問我不過唔可以煩我...因為我永遠都唔會比到佢心目中o既答案.....

呢個不知所謂o既貓奴，只係識講....你點知呀？係咪真o架？會唔會呃人o架？邊到最平呀？點解好呀？有幾好呀？你有無試過呀？早知就乜乜乜啦！你又唔一早同我講？

唔信人就咪問人，自己睇完說明書都仲係唔信就問醫生，問完醫生又唔信就唔好再問我，答完你一千次自己又唔試用下就死o左去罷啦！

唔好再同我講d沙整到成地都係＞晨早講o左呢d質地一定會，叫你轉個有蓋有門廁所又唔肯.....
唔好再因為喵喵嘔唔出毛o黎煩我＞晨早講o左唔比吐毛膏o既後果....
唔好再問我濕糧邊隻好味＞答o左1000次你自己又唔去試關我鬼事.....
唔好再同我講d人對你隻貓唔好＞晨早叫你幫貓剪指甲又唔剪，出去沖涼比人剪晒好正常姐.....
唔好再問我一d騎呢又白痴o既問題＞d糧咸o左、一日打幾多次喊路、d貓一日lam幾多次毛....點解要問我唔自己留意o下呢....

我好想話比呢條友聽....我用o左幾多心機幾多時間幾多精神幾多金錢去試每一樣o野....我掉o左幾多包貓糧、轉過幾多種貓沙、試多幾多種罐頭、睇過幾多個醫生、搵過幾多到地方、用過幾多棵貓樹......

成日問我邊樣最好，自己唔試又點知邊樣好....唔試過差o既醫生點知呢個好？唔試下四圍睇又點知邊到平？唔試過黑人憎o既肥炳又點知kitty乖？

skII...都幾闊佬wor..

碎粉加胭脂.....好鬼靚o架....唔捨得用添...hehehehe.....skII闊佬wor..

早排sales姐姐話儲夠分...可以換禮物，之後一直都無乜點理......求其簡o左！到o左禮物到手.....嘩.....原來係貨裝o黎o架....sales姐姐仲話係日本限量版添wor.....再望一望個價錢.....正啦...19000 yen.....即刻開心晒....意外驚喜..特別高興呀....