姓名解說

開頭幫Kitty貓改名，非常之頭痛，話晒個名用一世，點都要改個好D啦！不過我唔鐘意毛毛、小白、妹妹...呢d名，因為我驚一叫會有10000隻貓狗應我，亦都唔鐘意一d好sweet o既名，好似豬豬、BB都唔好...改個得意o既名就o岩心水喇！我阿姨d貓狗∼大佬、大舊都係我改o既，咁改個咁上下都唔錯啦...不過諗極都諗唔到！諗諗o下...就叫沙膽英啦..一個好名，之不過俾全城人反對，又要再改過！有一日，我見到Kitty貓整跌我隻Hello kitty，睇睇o下佢地好似樣wor...咁就叫Kitty啦...但係kitty呢個名又娘又老土，完全違反我改名o既完則..不過要再改又諗唔到，咁就簡單d加個貓字上去啦....其他人話總好過叫沙膽英wor.........

到o左肥炳，佢係男仔唔驚俾人笑啦....好快已經改o左名叫喪標...唉...又俾全世界反對...再改神偷強又反對..話唔好改d令貓地難堪o既名wor...記得去揀貓時..o個位先生同我講：呢隻啦，好重手o架（好似賣雞咁），重手就＝肥，一於改個關於肥o既名先！肥仔太普通，肥豬又太sweet，肥肥太可愛，望o下佢個樣都好呆o下wor...通常話人呆都會加個炳字叫呆炳，咁就叫肥炳啦！
佢o地個名....就係咁o黎o架喇！

有相睇喇...有相睇喇...

上回講到煩人第一次幫貓地影相....家陣終於有相睇喇....耐係耐o左d...因為我無乜時間攪o麻！
之但係煩人個人喜好影到好似愛麗詩夢遊仙境....佢話夢幻d wor....我就鐘意清楚d同閃令令眼o羅！
唔講咁多....睇相啦....
仲有好多o係呢到....
http://s69.photobucket.com/albums/i74/kitty_fatbing/