小暖袋

材料十分簡單，但出來的效果很好！只要暖貼、拉鏈和正方毛巾便可！

最後張暖貼放入去便完成！我試過抱住來訓覺，十分溫暖！

小炳努力玩緊個毛巾暖袋，一來是因為暖，二來是小炳一向都對毛巾情有獨鍾！

上年，我已經有用這暖包，因為kitty貓乖巧，我只要放在毛巾下便可。但炳仔是五爪金龍，一定要做足功夫，以防他的爪爪神功！做了這一個毛巾袋，效果非常之好，連我自己都偷來試用，哈....哈.......希望他們會喜歡呢！

教而不善

炳仔：我係鍾意爪“喇叭”呀，咁點姐.......你影我相都無用o架！

炳仔：做乜呀....我又無爪o野，跟住我做乜姐？坐o下之o麻！

炳仔：白貓，你咪掂呀，我個新玩具o黎o架！
kitty貓：我都玩緊啦，你唔好下年先講！睬你都傻..........


Day 1 :
bibi：呀......炳呀，你做乜無啦啦爪個“喇叭”呀？唔好再爪喇，打屎你呀！
炳仔：我無o野做咪爪o下o羅，乜唔爪得o架咩？

Day 2 :
bibi：喂，你又o黎......我忍你好耐喇！
炳仔：我點記得咁多o野姐，你o下次再提我啦！

Day 20 :
bibi：你條友.....我一日提你十幾廿次，你仲爪.......我真係想食o左你呀！
炳仔：咩o野呀，你鍾意食咪食o羅，我見到係忍唔住o麻！

Day 42 :
bibi：你條粉腸......屋企咁多爪柱你唔爪，爪到個“喇叭”爛晒喇，你而家想點呀........@#$xyz@#%&xy@$#@
炳仔：鬧我都無用o架，我係咁o架啦.......

Day 100 :
bibi：炳爺，我買o左個新玩具比你爪到夠呀，乖啦，唔好再四圍爪.....
炳仔：睇o下點先啦..........
bibi：xyz@$#%^$xyz@!$&@#$#$!#$%

禮物

煩人對兩個傻貓真好，買o左好多o野比佢地，計計埋埋濕糧有58 pack，kitty炳今次就正啦！

我落order的，好多都買唔到，反而煩人自由發揮，買o左個兜兜比佢地，睇黎又有排爭！

我o既禮物有.......好彩色o既襪（我唔明點解煩人會覺得我鍾意），仲有一個我好鍾意o既袋。

呢個咁騎呢o既o野，大家估o下係乜...........無錯就係一個掃把，o岩晒我掃貓廁所飛出o黎o既沙！

煩人的12日日本行，尋日剛剛回來，無諗過會買咁多o野比喵喵，仲有個marie兜兜！反而佢自己就無乜買o野，零食都無，最新奇係o個三對彩色o既腳趾襪，佢話著訓覺會好暖，所以買比我，因為我冬天長期手腳凍！聽落係咪好感動呢，查實我想話比大家知，冬天我一定插隻腳落去佢大脾到保暖...........所以........大家明無？

貓友

由十分之驚貓（因為細時多手，常被喵喵咬和爪），到有了兩個大帝，過程十分奇妙！從沒想過會有喵喵，還會成為貓奴。記得，開頭盲中中的上到人生第一個到的貓網-------cat88，認識了很多貓友，由互不相識，到現在會互相問候、說笑，我們大部份都沒有見過面，但感覺就是親切！
早前，我和貓友can說起，問她台灣有沒有“愛咪咪的異想世界”這書，因為香港我找不到，而這本書是講貓貓的行為，對我很重要！小can立即便把她的一本從台灣寄給我..............
今天，書收到了，我.........一直感動，我們都沒有見過面，但大家都有一份友誼一份信任..........還有.....大家都是愛貓！

好抵買

由kitty妹妹回家至今，一直都是用這隻殺菌清楚劑，效果非常之好，很多動物診所都是用它來消毒，令我更加安心！平日都是買1L的，大約$280，今日到DogOneLife見到5L賣$990，二話不說，買了一樽！十分之抵買呀，今期推介！