精神食糧

心情很累，每日都是打仗。正在挑戰人類極限，要幾多日唔食唔訓先頂唔順呢................
向來我都很喜歡甜食，朱古力更加不可少。心情不好時，吃後會輕鬆不小。不知不覺，這幾天買下的大部份都是朱古力。
常說吃朱古力有助減壓，令心情放鬆..................現在，我100%相信！

換新裝

煩人十分鍾意呢一set，但價錢都幾貴，諗o左一陣.......算啦......買埋會開心D！再努力D賺錢喇......

呢款我好早已經想買，今日仲見到呢隻貓貓出o左新款，不過我都係買番呢隻........因為......有好多炳仔o麻！

買埋新被被，夠晒我地四個啦，炳仔唔洗再同我地爭lu!諗起都開心........

因為屋企要大兜亂，一不做二不休，所以我地決定買過張新床，等傻喵可以上o黎一齊o訓覺覺！有新床自然其他都要新啦，今日難得放假，所以就同煩人出去...........掃貨！
一向我都知道煩人鍾意d乜，以前我要買貓樣物品，一定無可能，何況......咁大張床單!原來....佢已經改變o左喇，今次我話要買貓貓床單.....竟然.......世界變呀!o個兩個傻貓o既熱情，真係可以令煩人改變o架！
抵炳仔對煩人咁好，成日比個屎忽佢聞，當正佢係好朋友啦！

小時候

kitty妹妹小時候樣子極似熊bearbear，像蟲仔一樣捐來捐去。這裡有兩張相是我特別喜歡的，大家估不估到呢？

全部相片都是她3-5個月時拍的，有部份更是回家的第一晚，現在看起來，她.......真的大個女了，不再是BB樣！

一向我都是懶蟲精上身，電腦內零亂不堪，久不久才整理一下資料。昨晚終於處理一下兩個大帝的相片，看見kitty妹妹的小時候，才驚覺現在的她.......已經大個女了。這裡有兩張相片是我十分喜歡的（比個貼士大家兩張都與煩人有關），看看相再想想他們的相處，我終於明白到煩人為何如此愛o鍚她了，kitty妹妹的細心和尊重別人，是炳仔沒有的，她愛用腦去思考，而他側是衝動行先，不顧一切。
難怪kitty妹妹和我們之間的默契和互信，炳仔到現在還未建立得到！

寵愛

煩人要借kitty貓去影相，立即幫她美容、梳毛，這是歷史性的一刻，以是從未有試過。不過...最後當然是要我出手，因為他的手勢太溫柔了，原全梳不到，總是怕整傷他的乖女兒！醜人.........永遠都是我做！

kitty貓總是令煩人很高興，可能她性格比較善解人意，就連煩人執拾他的“搵食工具”，都要黏在一起，而且她從不破壞，所以煩人很放心她，任她做“跟得妹妹”！

kitty貓極愛煩人，無論他做什麼都會陪伴左右，連換燈泡都會跳上電視......看著他！

煩人都是口硬心軟！起初他是反對我養貓的，不過我熟識他，知道就算不可，他亦不會原全不理！kitty貓他沒份去選，就連我跟他說，小貓已帶回家，小心踏到，他.......亦不相信。到他們真正見面，我已經知道，煩人不會侍小貓不好。起初立下很多規條，後來都是煩人自己一一打破！和很多爸爸一樣，煩人都是寵愛小女孩，對kitty貓從不打駡，相反炳仔......男孩子o麻，天生天養一點！

煩人不會在我面前做一些很肉麻的行為，但我時常偷偷的看到，像叫“bb，你做乜唔訓呀”之後.......一啖啜下去，這個情景.....我還未見過出現在炳仔身上，不過.....豬炳也不會給他啜啜！

相處

kitty貓：炳仔你望乜呀？望到眼定定........你傻o左呀？
炳仔：我望...........雀仔呀，唔通望你咩！行開啦，咪o左住晒呀！

kitty貓：o下......雀仔......o係邊呀？點解我見唔到o架..........雀仔o係邊呀？
炳仔：o係o個到呀.........你見唔見到呀？...........白貓，你快d去捉佢返o黎。
kitty貓：你都傻o既......有禽流感呀，望o下好啦......正白痴仔！

這天地板要打臘，把他們的東西搬到廚房，無聊的炳仔只有跟住kitty貓，很明顯......kitty不多理會他！

其實他們不是很老友，只有我扲鐳射棒，他們才那麼合拍。不過，對比之前的<生擒記>，已經很好了。

都是煩人的功勞！前幾天，我不想再看他們的追殺場面，便叫煩人幫我看管他們。幾小時後，煩人向我說出一連串他所觀察得的情況，再叫我試試，今次.....我不管了，叫煩人代勞，我從旁守候。奇蹟.....真的奇蹟，不出半天便進步了很多很多，今次再進步絕對是煩人的功勞。感激煩人。
現在，他們一整日都是自由行，不過他們都是獨行俠，互相學習大家的壞習慣，各自修行。這樣........我已經很滿足了。