Shopping Day

呢幾日心情唔好，專登落去銅鑼灣散財，自己知自己事o麻，搵D地方發洩一吓就會開心番！
不過，我都學精咗啊，唔好買俾自己，要買俾人地同埋要實用呀！因為買俾自己，必定係亂買，次次都放晒喺屋企，掂都無掂過....買俾人就唔同呢，基本上佢地都會用呀！
今次買咗.....毛毯俾小B女、兩個阿e啦，Marie同Jack..hehe..好令㗎，仲有Yarrah素小食同素罐頭俾大佬啦，佢唔食得肉o麻，千辛萬苦先搵到小食俾佢，同埋野莓素俾屎炳，對尿道、膀胱好呀！真係好.....人地開心我又開心！

好好睇㗎

無特定要睇咩書，只不過見到貓書就9成9都會買！有日唔覺意經過書店，見到3本貓漫畫，好似幾好睇咁喎，嘻...嘻...買番去睇吓先！仲見到文地將佢以前嘅專欄，結集出嘅新書...買埋先！
HOHO~~~結果...一晚俾我刨晒呢４本...好好睇喎!!

呢支正呀

我有個女同僚Toni小姐好靚女，而且甘願為大家犧牲，長期做白老鼠狂試護膚化妝品，所以想知邊d專業推介，問吓佢就掂晒！
早排，Toni小姐送咗支睫毛液俾我....OH..COOL!!唔單止Packing靚，仲超級勁，一向用開Lancome嘅我，都要轉會！
之不過，要小心重手過頭，唔洗夾只要輕輕刷小小就攪掂。第一次我唔識用，已經出事啦，隻眼成朵菊花咁啊，嚇死人咩！

試糧篇17

1. 名稱： AIXIA
2. 口味： 金槍魚 鮭魚
3. 價錢： 100 Yen
4. 質地： 呢隻要讚o下先，質地好好呀，肉好滑汁夠香，好味！
5. 歡喜指數： 唔洗兩分鐘清兜，真係好好味。

試糧篇16

1. 名稱： 金罐
2. 口味： 金槍魚小鯡魚
3. 價錢： 唔知
4. 質地： 呢隻一開罐好香，好似人食o既吞拿魚罐頭咁香。肉比ciao深色少少，不過都好好！
5. 歡喜指數： 令炳哥好瘋狂！

試糧篇15

1. 名稱： INABA　CIAO
2. 口味： 金槍魚 雞胸肉
3. 價錢： 110 Yen
4. 質地： 好香肉夠滑，質地都幾好！
5. 歡喜指數： 好快清兜！

試糧篇14

1. 名稱： CIAO
2. 口味： 蝦、雞
3. 價錢： HK$9.5
4. 質地： 肉質又白又滑，都算香架！
5. 歡喜指數： 食食食食，好快食！

試糧篇13

1. 名稱： Mon Petit
2. 口味： 海鮮汁魚柳
3. 價錢： HK$7-8
4. 質地： 聞落都好魚，汁濃魚都係一塊塊，不過我覺得硬o左dd..唔知炳哥覺唔覺！
5. 歡喜指數： 狂食狂食狂食！

又黎喇

唔洗再多講，多謝C小姐同M小姐啦！Thank You！！

試糧篇12

牌子 / 名稱 : Monaku 鮮魚製金槍魚
價錢 : 130yen
內容 / 質地 : 金槍魚，天然果子凍，柿子提取物，維生素類，礦物質類
口味 : 魚
歡迎指數 : 都係有爆燈5粒星星啦。魚肉睇落新鮮，膠質重，有好多一條條銀魚仔，材料都非常豐富。

試糧篇11

牌子 / 名稱 : INABA魚片金槍魚
價錢 : 98 yen
內容 / 質地 : 金槍魚，金槍魚提取物，各種維生素·礦物質類，紅藻抽出物，綠茶提取物
口味 : 金槍魚
歡迎指數 :都係肉紅紅黑黑o個種，聞過比CAD無咁腥，亦比CAD多水份肉質較新鮮！肥炳食飽仲狂lam兜唔肯走！

試糧篇10

牌子 / 名稱 : CIAO湯燒鰹魚雞肉
價錢 : 110 yen
內容 / 質地 : 宗田鰹魚，雞胸肉，宗田鰹魚提取物，維生素E，紅曲子，胡蘿蔔素，綠茶提取物。因為湯燒，所以汁多亦非常香，o岩晒飲唔夠水要食罐罐吸收水份o既。（即係炳仔）
口味 : 鰹魚雞肉
歡迎指數 : 雖然阿屎炳係垃圾車乜都o岩，不過佢今次狂掃得好快，食晒仲望住個兜唔肯走，湯我試過有陣冬姑味幾香，炳哥1000000級鐘意食。...

剪甲甲

咪睇吉蒂咁乖，查實佢脾氣都幾臭，一唔鐘意就高8度尖叫，叫到你心都寒埋。阿小姐佢最憎人幫佢剪甲甲，會尖叫....不過唔會太大反抗....一樣剪到無問題。上次洗牙時，碼姬醫生幫佢剪埋甲甲，嘩
我開心到彈起啦，齊齊整整之餘又貼貼服服，落位非常準。真係唔該醫生我又可以懶得就懶！呢方面，個衰炳乖好多，任舞唔嬲

Marie我愛你

今日唔覺意經過SOGO............
唔覺意見到Marie 3 Set信紙...............
再唔覺意帶咗佢地返屋企...............................

試糧篇9

1. 名稱： CIAO低脂肪
2. 口味： 雞肉&鰹魚
3. 價錢： 唔記得
4. 質地： 白雪雪雞肉,非常香雞肉味,帶jelly唔會水汪汪
5. 歡喜指數：其實唔洗講都知，個衰炳係勁食啦！
6. 成份：雞肉(雞胸肉)，鰹魚，胡蘿蔔，果子凍，維生素E，綠茶提取物

試糧篇8

日期：9-11-06
1.名稱： CIAO低脂肪
2.口味： 蔬菜、雞
3.價錢： 唔知
4.質地： Kitty貓無得食，只有炳哥一個試味！ 唔多汁、肉白淨，有jelly，炳仔照樣狂食！
6.成份： 雞肉(雞胸肉)，螃蟹風味魚糕，胡蘿蔔，果子凍，維生素E，綠茶提取物

試糧篇7

日期：8-11-06
1.名稱： 懷石鍚紙包濕糧
2.口味： 魚、雞
3.價錢： 唔知
4.質地： 少少汁、肉非常白淨，唔洗講都知炳仔狂食！
6.成份： 金槍魚、雞胸肉、果子凍、oligo糖、木糖酸、維生素E

野蠻人

本以為文明社會，大家有讀過吓書都叫做正常人，今日終於見識到咩叫做生番，恐怖到極應該扲去做標本！
咪就係呢D怪物影響晒全香港女性形象囉，唉！

試糧篇6

日期：5-11-06
1.名稱： 鮭魚盒飯
2.口味： 魚、雞
3.價錢： 唔知
4.質地： Kitty貓無得食，只有炳哥一個試味！ 少少汁、肉白淨，炳仔狂食！（不過佢除o左屎之外，乜都狂食o既！）
6.成份： 雞、金槍魚、鮭魚、節菜，果子凍，oligo糖，維生素E

絕版草莓

我有兩個草莓兜，一紅、一粉紅！話說差唔多一年前，台灣Can小姐喺台記MotherGarden等極都無貨，於是喺佢日本之旅就越洋幫我買兜兜，再叫佢爸爸媽咪帶返香港俾我！雖則係兩兜加一盒濕糧，不過係好鬼重，重到我好唔好意思！

今日，我呢兩個草莓兜已經係絕版貨，MotherGarden講到明唔會再出喇！我身邊嘅朋友都有個共通點，就係人好又爽快，“永遠老馮”嘅人，最終我地都係無緣！

再次唔該Can姐姐！！

剝牙仔

小吉蒂去Dr.maggie到洗牙兼洗耳，結果吉蒂小姐剝咗一隻門牙，其他牙仔無問題無牙周病，只係有少少牙肉發炎！醫生話剝咗都唔會痛，因為隻牙已經鬆到唔洗用力都剝到。之後，要食6日消炎藥呢..........

至於耳仔，maggie話唔希望同埋話無必要用藥去解決，因為係要長時間食呢，所以嚟緊一段長時間都要停罐頭，由頭開始睇睇會唔會連乾糧都敏感，再比定包Sample我，有問題可以即轉。呢段時間要俾佢身體機能休息之餘，亦需要時間清晒呢一次敏感症狀。可憐炳哥晚晚要開罐罐，吉蒂小姐生吞乾糧。我一定會諗個方法，令到小吉蒂唔知屎炳有罐罐食........吉蒂快D好返....吉蒂快D好返....好返請你食炳仔肉！

試糧篇5

之前，因為紫罐Sheba攪到吉蒂耳仔烏槽到屎，要停試罐罐幾日，聽日book咗洗牙加洗耳，還掂都係.....食咗先講！
日期：1-11-06
1.名稱： CIAO野葉、雞肉
2.口味： 雞同菜
3.價錢： $8
4.質地：雖然唔係好多汁，但係肉質鮮嫩，兩貓都好鐘意食！
5.食後反應：因為之前已經鳥槽o左，所以耳仔一樣都係dirty，不過...無惡化！
6.成份： 雞胸肉、金槍魚白色部分、蔬菜、果子凍，維生素E，綠茶提取物、粗脂肪、粗纖維