耳潔淨

小吉蒂因為食物敏感，耳仔比較油有少少少少烏槽，不過，我平時一向無用洗耳水幫佢洗，因為耳水始終會有刺激成份，只會用清水幫佢抺！
一直都對自然療法有興趣，都有睇過一D關於人同動物o既資料，所以就買o左呢支耳水俾佢地用，聽聞有好多貓貓狗狗成日無啦啦出現耳仔問題，用o左都唔錯，即管試試睇o下效果！
順勢療法系列，有興趣不妨睇睇：http://goodpet.com/

Three Sixty

一直都心思思想落中環Three Sixty一趟，睇o下Petguard消化酵素再散散財。今日終於不顧一切偷走落去，竟然無入消化酵素，失望到暈！不過，都叫做有少少收獲，好多人都話呢間價錢貴，其他都真係唔太貴，只係同citysuper、sogo差唔多，有d仲比佢地平！買o左蛋糕粉，只係$35話晒都係Organic吖，仲有日本8味健康茶，我未飲唔知係乜呢！

靜靜雞

尋晚通頂為o左今朝一早落大球場做一件極有意思o既事，可惜...........
返到屋企眼訓到眼珠就甩........即訓，起身有人俾相機我睇，原來炳哥一直黏住我，唔怪得我訓得唔好啦，佢仲覺得自己好得意添！！

極品蘿蔔糕

我個Jenny婆婆廚藝一流，佢整o既蘿蔔糕簡直係人間極品，軟硬適中、味香、料多！每年，煩人先生都未經我同意就成底生吞，今年我特別落聖旨，未經準許不得亂食，因為實在係太太太好味喇！

有新o野啦

返工前扲o左龐小姐D相去公司附近商場曬！返工中途，自己一個過去扲相，再返公司竟然出現o左以下對話................
同事T：你咁快返o既？
我：好快咩？同平時差唔多啦！
同事T：我仲以為你會去巡舖添！（巡舖者Shopping也）
我：唔....我無呀....唔係都....巡o左少少啦！（真係知我者T小姐也）
Marie計數機，有o左佢連計數都開心，再加上只係$26，就更加開心！
Charmmy Kitty貼紙，有101個好多又好靚，只係$19.5價錢仲靚！

試用

有個Make Up推介，話呢隻T-zone base好好用，咁我心急當然又會買o黎試試。結果，真係好用，好貼面之餘仲好爽，控油都係一流，依家我每日都會用o架！

塊面滑嘟嘟，咁一定要食番D滑嘟嘟o既o野！今日...嘩∼呵∼呵∼買o左我最鐘意o既Blueberry芝士蛋膠，同樣好滑溜...........

情人節Box Set

之前我阿e幫我買o既情人節Box Set，唔係用o黎送俾情人∼只係自用！好似係$380，就有兩隻熊仔、兩支Shower Gel、一條鏈，唔計其他o野，只係兩支Gel已經好抵！

雙滿月

話咁快呢位龐小姐就兩個月喇，睇佢個樣咁老積，一D都唔似咁細個，仲以為係6-7個月人仔！俾相同事睇，個個第一眼都話龐小姐好似我，可想而知佢絕對係靚女一名（奸笑中.........）！見佢個樣咁精靈，我諗佢一定係個樂天小姐，阿龐小姐..小小苦楚等如激勵呀，我諗呢個道理你會明白o既！

屎．曲奇

成日都話如果有焗爐就整呢整路，結果一樣都未整過，失敗！今日終於的起心肝要搵o野o黎攪，於是就焗曲奇，而且去Sogo買Mix好o既曲奇粉，只係加水、油、蛋，我諗應該唔會失敗！

現實係非常之殘酷，因為包粉太大包，整起有幾十個，所以我只係隨量開少少粉，份量就只有估估o下！幾滴水、幾滴油、幾滴蛋，結果好明顯.......失敗，死因係水太多（只係落o左幾滴都叫多.....慘！）不過，味道的確係唔錯，極香濃朱朱力味，唔憤氣再試多次！

今次醒水，只係落半滴水，開出o黎o既漿一patpat杰撻撻，應該成功掛！結果.......登登登登.......係非常之成功，雖然係屎一般賣相，但真係好好味，唔係講笑！

年初二

返老家同阿公阿婆拜年，途經香港站見到吉蒂貓同Dianel行婚禮，都幾得意吖！如果係吉蒂貓同炳哥一定仲得意！

路經葵芳，入去葵涌廣場行o下，買o左3個馬尾珠，一粒星星兩粒喵喵！

我個阿e上次o係我屋企食過I LOVE U朱朱力話好好食，再去優之良品買俾佢！

同樣係優之產品，好唔好食我唔知，叫做有D o野咬o下o羅！

跟手買埋支落妝水，之前用過藍色好好用，今次試o下綠色睇o下有咩唔同！

仲比我買到搵o左好耐都搵唔到o既積及朱朱力橙餅禮盒，年年新年都要有啦！

最後，又買o左個新咭片套，因為尋日買o個個太太太細，放唔入成大疊，今次呢個大好多！大家睇o下袋上面個“貓”字幾好笑！

大年初一

恭喜發財，kitty同炳炳恭喜大家發財！本來今日要去拜年，後尾無去到，都好吖留o係屋企Hea下o麻！
呢個大吉大利大吉頭，估唔到同中國Feel o既存盒都幾襯！的確唔錯！
嘻......嘻.........存盒藏喵...幾無聊但又好攪笑，想睇o既朋友仔可以上我屋企拜年！（不過要準備大利是！hehehehe..........）
唔.......只不過係落街食o野，竟然都見到有好靚o既Hello Kitty賣，呢個咭片套買俾我自己o既！
呢個就買俾我阿e，袋BB o野！個款好得意o架，開拉鏈就成個變o左正方形！
晚餐，XO醬蘿白糕再加椰汁年糕，確係好好味！
呵...呵......下晝專登去買XO醬，睇落個賣相唔錯，食落仲非常好味添！
今次用o左新方法煎年糕，煎出o黎真係靚好多！首先落糕煎，9成熟再夾起加蛋再落鑊，效果糕熟蛋黃金，靚好多呀！

新年快樂噢

話咁快又到肥豬年，新一年我地祝大家心想事成、身體健康、精神爽利、不勞而獲、豐衣足食！
為答謝大家一直以o黎o既支持，吉蒂貓特別表演一項‘大吉大利大吉頭’雜耍環節，各位記住此乃長期訓練o既成果，大人同小朋友切勿模仿！

最後衝刺

話咁快就年三十，好好好好好忙！屋企亂到慘不忍睹，又要清潔又要趕落街辦年貨，仲要好似師奶咁去街市買最重要o既碌柚葉..........最後碌柚葉竟然斷貨，花檔阿姐好人，私人醒o左幾塊爛到霉o既俾我，好過無啦！屋企對拖鞋又爛o左，買番對紅噹噹o既，新年o麻！
呢檔專賣呢種花拖鞋，好o野o黎o架好好著，仲長期有好多日本小姐幫襯，我親眼見過佢地買親都一打一打，日本渴市喎！

嘻....嘻.........華麗園年糕超好味o架，雖然貴o左D細細舊成$70，不過真係物有所值，好香椰汁味唔漏唔油，正！加埋金庸題字，乜都抵番晒啦！

同埋呢個芝士蛋糕，雖然蜂蜜味好食D，不過又無貨......算啦芝士就芝士啦！明明話辦年貨，但就買蛋糕........我非常多心！

團年

新年基本上都係大晒，食團年飯應該都係大過天，所以我極速攪掂我o既工作，再Send過SMS俾老細，然後速逃！
路經維園，快手走入去買o野俾我班尊貴o既表妹，D人全程用奇怪o既眼光望實我，攪乜呢個姐姐仔會一個人行年宵？其實我唔係行，係左穿右插買完就走，半個鐘攪掂！
然後再落上環安記買海味俾我個權威o既Jenny婆婆（即係我外婆），Jenny呢個咁潮o既名係唔知邊個細個時幫佢改o既！只係用o左15分鐘，放低$1000，又攪掂！
因為屋企大堆人要分兩枱，我當然去小朋友o個枱啦！好多餸又好好味，跟手再扲D返屋企！仲有Jenny最拿手o既蘿白糕，我又扲成大底，不過.........唔記得影相！
表演慾極強，張張相都表情豐富o既Tiffany小姐，祝大家豬圓肉潤、不勞而獲！

年貨

工作中，見有1個鐘頭空檔，拿拿聲去買少少年貨，見到呢隻軟心朱朱力好似幾好味，買番去試試！的確唔錯，不過......唔可以太多....肥霸！
再買o左兩底聘珍樓蘿白糕，煩人先生話好好味，我都係咁話！
同埋，娜姐個唱DVD....好睇又好勁喎...港星應該行埋一邊喇！

清潔

新年前，唔多唔少都要清潔o下屋企，今日o係SOGO見到呢兩隻白元出品，用後都幾好！呢舊炭炭吸味劑，我放o左入廁所，都幾好用又唔會太香，下面清潔微波爐紙，扲去叮一叮，再抺一抺，快靚正！

情人節

近排真係忙到癲，係真係會發癲！情人節收11點幾，無諗過要點樣慶祝，只係好想快D收工！之後就急急腳落天后，同煩人先生食我最鐘意o既車仔麵，跟住順手去維園行花市，之不過成點鐘，好多都收檔喇，快快手買o左兩樣o野，我諗∼∼都算係情人節禮物掛！好靚，我好鐘意o架！