罰企

炳哥：仲要企幾耐呀？腳仔好軟呀.....黑人憎....無啦啦要人罰企！wuwuwuuuuuu

有貓..應該要有一部功能多少少o既相機，因為貓地跳跳紮...影唔到最真實一面，實在可惜！

試糧篇4

小吉蒂連續幾日都係食Sheba白魚，無乜特別事發生，今日轉食同牌子紫罐，點知就出事o既！
日期：29-10-06
1.名稱： Sheba金槍魚
2.口味： （汁煮）魚類和貝類類煮出來的湯
3.價錢： 唔知
4.質地：唔洗講睇相都知汁多，魚又一片片啦！兩貓狂食！
5.食後反應：出晒事，食完耳仔dirty到嘔呀，好慘呀！
6.成份： 金槍魚、貝類、骨頭蛋白、粗脂肪、粗纖維

由於耳仔烏槽得好緊要，我驚佢會聾，停食所有罐頭喇！

試糧篇3

來想試另一隻ORGANIC罐罐，不過無得散賣、無得混味，仲要一箱32盒，到依家都未解決未解決未解決！
搵晒全屋得呢隻比較清，淨魚魚......就試呢隻啦！

日期：26-10-06
1.名稱： Sheba白魚
2.口味： 魚湯金槍魚
3.價錢： 唔知
4.質地：唔洗講睇相都知汁多，魚又一片片啦！兩貓狂食！
5.食後反應：無特別敏感症狀出現，要食多一、兩餐就知！希望無大問題，因為一敏感通常即R架！
6.成份： 金槍魚、鯛魚、骨頭蛋白、粗脂肪、粗纖維、粗灰分、水。

試糧篇∼對不起鰻魚

唔知點解尋日隻罐頭佢地唔肯食隔夜，所以今日要開新味道。同一隻牌子，不過唔同味道，今次用無咁恐怖嘅鰻魚，都幾香㗎，但係兩個大帝唔肯食囉！可憐嘅鰻魚我對你唔住，要你白白犧牲佢地又唔識欣賞，o徒野到不得了，唉...............

日期：25-10-06
1.名稱： Addiction Holistic Cat Food
2.口味： 鰻魚、海苔
3.價錢： $11
4.質地：肉醬非常patpat，好似baby food質地，都幾香o架！不過，兩隻野都係lam幾啖就閃！
5.食後反應：無特別敏感症狀出現，因為無乜點食過！
6.成份：沒有水銀污染新鮮海鰻、水、原味海苔、甜青豆、甘荀、大蒜、牛璜酸、維他命群。
不含防腐劑、副產品及內臟、填充物、穀蛋白黏膠質及玉米。
7.網頁：
http://www.addictionfoods.com/china/index.php?rememberSel=true

試糧篇∼對不起蝠袋鼠

姑娘話小吉蒂可以試吓ADDICTION，有好多敏感貓貓乜都唔食得，只係食呢隻就OK！仲話可以Home Made豬肉、雞肉俾佢試試反應，好啦....咁我一於試吓！
雖然，呢隻罐頭真係無乜問題仲幾香添，不過..我未過到自己o個關，尤其上網見過蝠袋鼠個樣，o個一刻我真係想嘔，好彩有煩人先生安慰，話外國田鼠都照食，好乾淨無問題！之但係....我都係好想嘔！
下一次，我將會試YARRAH，又試吓個反應如何！


Kitty貓、衰炳...我好無食呀？？正就食多D啦，反正我都變o左罐頭喇！









ADDICTION罐頭：
1.名稱： Addiction Organic Cat Food
2.口味： 蔬菜、蝠袋鼠
3.價錢： $12
4.質地：唔係肉醬唔會一patpat，都幾香、似午餐肉整碎之後變一粒粒
5.食後反應：無特別敏感症狀出現，相信食多一、兩次會知
6.成份：有機蝠袋鼠鮮肉、甘薯、甘荀、甜青豆、大蒜、牛璜酸、一級燕麥、維他命群、水。
不含防腐劑、副產品及內臟、填充物、穀蛋白黏膠質及玉米。

探瑪姬醫生

小吉蒂食咗D藥後，情況有好轉不過耳仔dirty未清晒，今日再去探瑪姬醫生。瑪姬醫生話洗耳快D好，仲可以睇清楚內耳道入面D dirty物，咁好啦....就洗耳仔啦！之前應該要洗牙都未洗，所以將會一次過洗耳兼洗牙。醫生仲叫我，要抄低每日小吉蒂食物材料，方便日後佢幫我搵出致敏源，瑪姬醫生真好，俾著以前個黃綠，一定話食藥咪算囉，攪咁多嘢做乜。
護士姐姐又介紹我試唔同牌子抗敏濕糧，仲教我點home made食物，反正都洗耳.....拿拿聲試吓個反應先。
PS.肥花同K仔依舊係超肥，似豬仔多過喵仔！he...he..hehe.....

買新貓

舊嘅CARA貓攬咗成5年，爛完又補、補完再爛。經過CARA鋪，見到有9折，仲有隻大白肥貓，oh..oh....要帶佢返屋企喇！經過貓友仔提醒之後，原來佢係女仔嚟㗎，因為係三色貓囉！呵....呵.........呵....佢叫做大白！

大佬有零食

阿大佬小狗狗好可憐，皮膚極度敏感，要長期食素狗糧，零食諗都唔洗諗！今日見到呢隻新到香港ORGANIC糧食牌子，有一系列有機素狗小食，唔洗諗送盒俾大佬先！大佬佬.......你終於有零食喇！好嘢......

多D嚟、密D手

大肚阿E打俾我，話買咗份禮物送俾我，仲話自己好想要都唔捨得買添，當然要拿拿林去睇睇。OH.........原來係新出嘅Pink貓貓黑加倫子味香水呀.....好鐘意吖！
話晒我都係第一個送嘢俾小B女㗎，收番支香水都唔太過份啫。如果今晚我中頭獎，送層樓俾B女又點話吖！（到時9萬幾個中，碧桂園都買唔起！）

唔好比佢停

近排好開心，因為頻頻收禮物，之前問阿connie姐姐扲益生菌、洗潔精，點知仲附送Sheba餅餅、美毛粉。收到o個時開心到震，姐姐真係好，有好o野梗預埋佢地一份。炳哥話多謝晒之餘，仲叫你地..........唔好停喎！

開卷有益

路經書局85折，即刻入去搵獵物，行o左唔夠10分鐘就睇中4本，快手去俾錢.....睇多幾眼真係會買成蘿！紅色o個本買俾煩人先生o架，我都算唔話得啦！

呢本非常好睇，除o左相靚亦十分感人。作者有一間野生動物診療所，由入院、醫治到出院，用相已經可以表達！最攪笑係作者屋企o既自家貓同其他野生動物同一屋簷下，同鹿仔、狐狸玩到癲，唔買就走寶喇！

黃金貓袋

早排帶吉蒂貓睇醫生，每次返到屋企大家姐都檬眼伸脷抖氣，我估貓袋太細又太爐，要買過新俾佢。出旺角，行足9條街未有心水，點知想返歸之際，就見到呢個黃金袋，一見鐘情。
一直都唔鐘意呢個形狀o既貓袋，因為唔夠挺身林patpat，之不過，呢款又挺仲三面有網幾通風，原來阿老闆話專登去搵隻硬質地去做，仲前、後、上都可以拉開，方便入貓。
呢個袋o既真身，好靚o架，黃襯啡原來幾好睇wor！

一屋貓袋.....我....知...道....要點做！其實自己唔親身去試又點知邊隻好，下下問人....問呢問路問到篤...一樣係自己未試過，根本唔會知有幾好！最怕一D問夠1000個人先夠膽試新o野o既人，好唔好見人見智啦！所以....每逢有人問我，養貓一個月要幾多錢，呢個問題........我真係唔識答！

是日精選

唔覺意買o左少少o野..........
有好好味o既日版百力支、新出o既黑忟忟朱朱力，仲有Kitty貓專用o既解結梳一把！
強烈推介，貓貓膠圍裙，靚到不得了。基本上我少入廚房用途唔大，但係太靚喇，實在忍唔住................

大佬

本人非常多位阿e，其中一位阿e有隻可愛小狗狗大佬！話說阿e因公要離港一日，我就負起重任去餵大佬。

呢個大佬食極唔知飽，所以無得放長糧，如果阿e開OT，佢就慘o羅！所以，我買o左個自動餵食器送俾佢，呢舊o野好好用，可以全包糧倒入去，set好時間佢就會每日按時跌糧，一日食10餐都得，睇o下大佬個表情就知佢有幾開心啦！

慳D啦

呢個絕對係我o既問題！其實每日人都有自己心頭好，為o左想要o既o野死慳死抵係非常之正常，有人慳食買衫、又有人慳著買玩具。
之不過，本人自制能力非常有問題，全完搵唔到一個地方有節制。鐘意買o野俾自己、買俾貓、買俾人、鐘意食、鍾意玩、鐘意試新o野、o係我眼裡面$100同$900好似無分別，唔知幾時變成咁？

最大問題，我交通都唔會慳，一個禮拜坐10幾次的士為乜？我自己都唔知，次次都搵到個新理由，又次次都內疚，唔夠3秒鐘又可以乜事都無！坐過海都面不改容..........

由今日起，我唔會再發癲左fing右fing，濕濕碎碎fing到就o黎破產喇，儲晒一次過去日本洗晒去仲好，我要改過自新、重新做人！

有喵真好

貓地除o左o係屋企嘆世界，原來仲有好多分唇，可以幫我解決唔少問題！
話說新男同僚都係貓奴一名，一下只......講貓講貓講貓....好快就傾得兩句。更驚人就係...傾傾下得知，近排買o左兩本漫畫書，講男講女講貓地...好好睇，呢位作者原來就係男同僚o既.........（因為未經當時人同意，所以唔講得！嘻...嘻....）
除此之外：
1.見識唔少新接觸又黑人憎但又要合作o既人，如果對方係貓奴......掂....即時緩和尷尬場面，我有N次同類經驗。
2.有鋪買o野癮，次次癮起就買o野俾貓地，罐頭最實際一定食得晒，幫我止痕止癢。
3.每次見醫生都又中又英同醫生溝通，學好外語o既好機會。
4.練打字，上得貓網多，打字快o左9倍...叻女。
5.訓練EQ，每次見到炳哥破壞王上身，嬲到爆..又唔打得鬧得，脾氣好o左100倍。
好處太多，未能盡錄，總之......有喵真好！！

新貨到

都話一出街就一定要買o野o架啦！！
今日返醫院覆診，明明o係西環樓下仲有車直接返屋企，都要中沿落車去銅鑼灣搵o野買，變態到爆！不過，今次d o野好實用，都唔係太無聊。首先，買o左兩個Charmmy Kitty相架，成長相架送俾阿e個BB女（雖然未出世....嘻...嘻...），另一個當然係自己o架啦。之後呢，就買o左貓貓袋仔，黃色奶粉袋都係俾B女o架......我同阿e講，有我o係到.....包保B女每日都有禮物收！又多一個人俾我滿足購買慾....好開心！

共同進退

上回小吉蒂食物敏感同耳仔有唔知乜菌去睇醫生，滴o左藥入面好o左但係耳殼爛o左，可能對D藥敏感，於是今日再去見o下瑪姬醫生。點知瑪姬醫生一睇就話嚴重o左，菌係殺晒...但係敏感嚴重o左！醫生用棉棒挖入耳道，嘩.....巧恐怖呀...一大舊一大舊挖d烏槽o野出o黎！要食10日濾固純啦...停晒濕糧啦，如果再唔好..鳴...鳴......就要麻醉洗耳仔。
本來唔關炳哥事，佢可以照樣大魚大肉，不過，小吉蒂睇住佢食又無得食....好陰公o架！於是乎.....嘻.....嘻....一於共同進退，炳哥都停食濕糧啦！男仔之家，俾d義氣出o黎陪o下小吉蒂啦.....

大頭吉

養傷期間，發現煩人先生原來有新鏡頭，唔出聲就以為我唔知咩？OK.... 後果就係我不問自取扲o黎玩o羅！！就係咁吉蒂小姐變o左大頭吉...呵.....呵...煩人先生...咪再同我鬥！

最鐘意........

之前雜誌攝影哥哥俾番成輯相我，我最鐘意呢兩張，炳哥好攪笑呢！呵......呵........呵........呵........呵........呵.......

好朋友

因為個口未擘得好開，咬o野就更加無可能，可以要食流質或者林PAT PAT o既食物！食粥已經食到怕，惟有不停發掘新o野食。雪糕同蛋糕就係我最近o既好朋友，加埋同樣林PAT PAT o既香蕉更加一流。不過，要跟食藥時間一日四餐，家陣........繼續發掘新食物，大家有好o野，不防介紹我！

新花盆

長毛Kitty貓小姐非常之憎食吐食膏，大大話話都試話N咁多隻，大小姐都話唔鐘意。好彩，姐姐仔鐘意食貓草，仲叻到不得了識得原條放入口三、兩下話食晒，呢個絕招連為食炳都唔識呢！嘻.....嘻........
經過花墟入去行o下，見到兩個白色花盆....又平又靚呀....即刻買番屋企！兩個加埋都係$10，而陣我用緊o既無款醜樣膠花盆∼成$2x蚊o架，早知晨早去花墟啦！

再收禮物

又係台灣Can姐姐送大禮，今日收到開心到我地彈起！
Can姐姐非常有心，次次o係我同佢閒談之中，佢都會記得我輕輕提過想買但買唔到o既貓o野，隔幾日就會出現o係我郵箱！好似聖誕老人派禮物！！
今次，有我恨o左好耐o既貓草吹波波、我未見過o既CIAO零食同埋毛毛捧一大條，多謝姐姐.......我地又滾動又開針呢！

喵頭月餅

HKcats有位貓友仔自家製月餅扲出o黎義賣，有我鐘意o既HelloKitty同Marie，我當然會買番盒！非常佩服貓友仔，竟然可以o係屋企自製月餅！雖然我食唔到，但係據煩人先生所講∼∼係好好味o架！

好瘀

繼豬頭正方面之後又有力作，就係o係塊面現瘀痕！可能係剝牙時儀器扯傷口腔肌肉，又有可能入面有瘀血？查實我都係估估o下唔知點解，我只係知.....家陣似俾人打完一獲，多過似剝牙！

又賴屎.......

扲兩張被、全套被單落樓下洗，洗o左成$200蚊，阿炳哥你係咪玩o野呀？襯我病攞我命，你賴咁多次屎，加加埋埋我買兩套新床單都有賺呀.......！激屎我...................






阿炳哥又發神經，逄係佢發脾氣是必痾篤屎落床俾我嘆！今次阿煩人先生一坐落床，即時大聲慘叫：屎∼屎∼屎∼呀))))))))叫得咁淒慘當然係坐到成身屎啦，拿拿聲走入廁所沖涼。
阿炳哥痾o左一篤超大屎落床，仲有少少濕濕地！我兩張被、被袋、床單全部中招，臭到癲！扲落樓下洗，又$200蚊......因為炳哥痾屎而要磅洗床鋪已經第N次，你想點呀？屎忽炳...........